റദ്ദാക്കലുകളും കാലതാമസങ്ങളും; വ്യാപകമായ തടസ്സങ്ങൾക്കിടെ ഇൻഡിഗോയെ വിളിച്ചുവരുത്തി ഡി.ജി.സി.എ

ഡല്‍ഹി: രാജ്യത്തുടനീളം 100-ല്‍ അധികം വിമാനങ്ങള്‍ റദ്ദാക്കാനും നിരവധി വിമാനങ്ങള്‍ വൈകാനും കാരണമായ ഇന്‍ഡിഗോയുടെ വ്യാപകമായ പ്രവര്‍ത്തന തടസ്സങ്ങളുടെ പശ്ചാത്തലത്തില്‍ ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ (ഡി.ജി.സി.എ.) ഉദ്യോഗസ്ഥരെ വിളിച്ചുവരുത്തി.

രാജ്യത്തെ ഏറ്റവും വലിയ വിമാനക്കമ്പനിയുടെ പ്രവര്‍ത്തന പ്രശ്‌നങ്ങളെക്കുറിച്ച് വ്യോമയാന റെഗുലേറ്റര്‍ അന്വേഷണം തുടരുന്നതിനിടെയാണ് ഈ നടപടി.

വ്യാഴാഴ്ച രാവിലെ ഡല്‍ഹി വിമാനത്താവളത്തില്‍ 30 വിമാനങ്ങളും കൊല്‍ക്കത്ത വിമാനത്താവളത്തില്‍ നാല് വിമാനങ്ങളും റദ്ദാക്കി.

കൊല്‍ക്കത്ത വിമാനത്താവളത്തില്‍ പ്രവര്‍ത്തനപരമായ കാരണങ്ങളാല്‍ 10 ഇന്‍കമിംഗ് വിമാനങ്ങളും 14 ഔട്ട്ഗോയിംഗ് വിമാനങ്ങളുമുള്‍പ്പെടെ 24 വിമാനങ്ങള്‍ വൈകുകയും ചെയ്തു.

വൈകിയ വിമാനങ്ങളില്‍ രണ്ടെണ്ണം അന്താരാഷ്ട്ര സര്‍വീസുകളായിരുന്നു. സിംഗപ്പൂര്‍, കാംബോഡിയയിലെ സീം റീപ്പ് എന്നിവിടങ്ങളിലേക്കുള്ള വിമാനങ്ങളായിരുന്നു ഇവ.