ചെന്നൈ വിമാനത്താവളത്തിൽ ലാൻഡിംഗിനിടെ ഇൻഡിഗോ എ 321 വിമാനത്തിൻ്റെ ചിറക് റൺവേയിൽ ഇടിച്ചു

ചെന്നൈ: ചെന്നൈ വിമാനത്താവളത്തിൽ ലാൻഡിംഗിനിടെ ഇൻഡിഗോ എ 321 വിമാനത്തിൻ്റെ ചിറക് റൺവേയിൽ ഇടിച്ചു.

സംഭവത്തെക്കുറിച്ച് വ്യോമയാന നിയന്ത്രണ സ്ഥാപനമായ ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ) അന്വേഷണം ആരംഭിച്ചതായി ഒരു മുതിർന്ന ഉദ്യോഗസ്ഥൻ പറഞ്ഞു.

ഞായറാഴ്ച ചെന്നൈ വിമാനത്താവളത്തിൽ ലാൻഡിംഗ് നടത്തുന്നതിനിടെ ഇൻഡിഗോ എയർലൈനിന്റെ എയർബസ് എ321 വിമാനത്തിൻ്റെ ചിറകാണ് റൺവേയിൽ സ്പർശിച്ചത്.

“വിമാനം നിലത്തിറക്കി, ആവശ്യമായ അറ്റകുറ്റപ്പണികൾക്കും അനുമതികൾക്കും ശേഷം വീണ്ടും പ്രവർത്തനക്ഷമമാകും.”എയർലൈൻ ഒരു പത്രക്കുറിപ്പിൽ പറഞ്ഞു.