മണിക്കൂറിൽ 80 കിലോമീറ്റർ വേഗതയിൽ കാറ്റ് വീശി, റായ്പൂർ-ഡൽഹി ഇൻഡിഗോ വിമാനം ആകാശച്ചുഴിയിൽപ്പെട്ടു

ഡല്‍ഹി: ഞായറാഴ്ച വൈകുന്നേരം ഡല്‍ഹി എന്‍സിആറില്‍ കാലാവസ്ഥ പെട്ടെന്ന് മാറി. പൊടിക്കാറ്റും മഴയും റോഡ് ഗതാഗതം മുതല്‍ വ്യോമ ഗതാഗതം വരെ ബാധിച്ചു. അതേസമയം, റായ്പൂരില്‍ നിന്ന് ഡല്‍ഹിയിലേക്ക് പോയ ഇന്‍ഡിഗോ വിമാനം ആകാശച്ചുഴിയില്‍പ്പെട്ടു.

മോശം കാലാവസ്ഥ കാരണം വിമാനത്തിന് ലാന്‍ഡ് ചെയ്യാന്‍ കഴിഞ്ഞില്ല. കനത്ത പ്രക്ഷുബ്ധത കാരണം വിമാനത്തിന് ലാന്‍ഡ് ചെയ്യാന്‍ അനുമതി നല്‍കാതിരിക്കുകയും വിമാനത്തോട് വട്ടമിട്ടു പറക്കാന്‍ ആവശ്യപ്പെടുകയും ചെയ്തു.

വിമാനം ലാന്‍ഡ് ചെയ്യുന്നതിന് മുമ്പ് കുറച്ചു നേരം ആകാശത്ത് വട്ടമിട്ടു പറന്നു. ശേഷം ഡല്‍ഹി വിമാനത്താവളത്തില്‍ സുരക്ഷിതമായി ലാന്‍ഡ് ചെയ്തതായി വാര്‍ത്താ ഏജന്‍സിയായ എഎന്‍ഐ റിപ്പോര്‍ട്ട് ചെയ്തു.