'ഭരണഘടനാ പദവി വഹിച്ചിരുന്നപ്പോൾ അദ്ദേഹം മികച്ച ജോലി ചെയ്തു, പക്ഷേ...', ജഗ്ദീപ് ധൻഖറിന്റെ രാജിയെക്കുറിച്ച് അമിത് ഷാ

ഡല്‍ഹി: ജഗ്ദീപ് ധന്‍ഖറിനെക്കുറിച്ച് ആദ്യമായി തന്റെ അഭിപ്രായം പ്രകടിപ്പിച്ച് കേന്ദ്ര ആഭ്യന്തര മന്ത്രി അമിത് ഷാ. ജഗ്ദീപ് ധന്‍ഖറിനെക്കുറിച്ചുള്ള നിരവധി വിമര്‍ശനങ്ങള്‍ക്കും അദ്ദേഹം മറുപടി നല്‍കി.

ജഗ്ദീപ് ധന്‍ഖര്‍ ഒരു ഭരണഘടനാ പദവിയിലായിരുന്നുവെന്ന് ഷാ പറഞ്ഞു. തന്റെ ഭരണകാലത്ത് അദ്ദേഹം മികച്ച പ്രവര്‍ത്തനം കാഴ്ചവച്ചു.

അതേസമയം, ജഗ്ദീപ് ധന്‍ഖറിന്റെ രാജിയെ സംബന്ധിച്ചിടത്തോളം, വ്യക്തിപരമായ ആരോഗ്യ കാരണങ്ങള്‍ ചൂണ്ടിക്കാട്ടിയാണ് അദ്ദേഹം രാജിവച്ചതെന്ന് കേന്ദ്ര ആഭ്യന്തരമന്ത്രി പറഞ്ഞു. 

വാര്‍ത്താ ഏജന്‍സിയായ എഎന്‍ഐക്ക് നല്‍കിയ അഭിമുഖത്തിലാണ് ആഭ്യന്തരമന്ത്രി ഇക്കാര്യം പറഞ്ഞത്. ഇതിനിടയില്‍ അദ്ദേഹം മറ്റ് വിഷയങ്ങളെക്കുറിച്ചും ചര്‍ച്ച ചെയ്തു.

ജഗ്ദീപ് ധന്‍ഖര്‍ ജി ഒരു ഭരണഘടനാ പദവി വഹിച്ചിരുന്നുവെന്നും തന്റെ ഭരണകാലത്ത് ഭരണഘടന അനുസരിച്ച് മികച്ച പ്രവര്‍ത്തനങ്ങള്‍ നടത്തിയെന്നും കേന്ദ്ര ആഭ്യന്തര മന്ത്രി അമിത് ഷാ അഭിമുഖത്തില്‍ പറഞ്ഞു.