'ധാര്‍മ്മിക ധൈര്യം പ്രകടിപ്പിക്കു': യുഎസ് ബോംബിങ്, ഇസ്രായേലിന്റെ ആക്രമണങ്ങള്‍ എന്നിവയെ വിമര്‍ശിക്കാനും അപലപിക്കാനും മോദി സര്‍ക്കാര്‍ തയ്യാറാവുന്നില്ല. ഇറാനിലെ ആണവ കേന്ദ്രങ്ങളില്‍ യുഎസ് ബോംബാക്രമണം നടത്തുന്നതിനെ അപലപിക്കണമെന്ന് സര്‍ക്കാരിനോട് ആവശ്യപ്പെട്ട് കോണ്‍ഗ്രസ്

ഡല്‍ഹി: ഇറാനില്‍ അമേരിക്കന്‍ വ്യോമാക്രമണം നടത്താനുള്ള പ്രസിഡന്റ് ഡൊണാള്‍ഡ് ട്രംപിന്റെ തീരുമാനം, ഇറാനുമായി സംഭാഷണം തുടരണമെന്ന് അദ്ദേഹം തന്നെ നടത്തിയ ആഹ്വാനങ്ങളെ പരിഹസിക്കുന്നതാണെന്ന് കോണ്‍ഗ്രസ്.

യുഎസ് ബോംബിങ്, ഇസ്രായേലിന്റെ ആക്രമണങ്ങള്‍ എന്നിവയെ വിമര്‍ശിക്കാനും അപലപിക്കാനും മോദി സര്‍ക്കാര്‍ തയ്യാറാവുന്നില്ലെന്ന് കോണ്‍ഗ്രസ് വിമര്‍ശിച്ചു.

ഇറാനുമായി ഉടന്‍ നയതന്ത്രസംവാദവും സംഭാഷണവും അനിവാര്യമാണെന്ന് കോണ്‍ഗ്രസ് ആവര്‍ത്തിച്ചു.

'ഇറാനില്‍ യുഎസ് വ്യോമാക്രമണം നടത്താനുള്ള പ്രസിഡന്റ് ട്രംപിന്റെ തീരുമാനം, ഇറാനുമായി സംഭാഷണം തുടരണമെന്ന് അദ്ദേഹം തന്നെ നടത്തിയ ആഹ്വാനങ്ങളെ പരിഹസിക്കുന്നതാണ്. ഇന്ത്യയുടെ സര്‍ക്കാര്‍ ഇതുവരെ കാണിച്ചിട്ടുള്ളതിലധികം ധാര്‍മ്മിക ധൈര്യം കാണിക്കേണ്ടതുണ്ടെന്ന് കോണ്‍ഗ്രസ് ജനറല്‍ സെക്രട്ടറി ജയ്റാം രമേഷ് പറഞ്ഞു.

'യുഎസ് ബോംബിങ്, ഇസ്രായേലിന്റെ ആക്രമണങ്ങള്‍, കൊലപാതകങ്ങള്‍ എന്നിവയെ മോദി സര്‍ക്കാര്‍ അപലപിച്ചില്ല, വിമര്‍ശിച്ചില്ല,' എന്നാണ് ജയ്റാം രമേഷ് എക്‌സില്‍ കുറിച്ചത്.

'ഗാസയില്‍ പലസ്തീനികള്‍ക്കെതിരെ നടക്കുന്ന വംശഹത്യയിലും ഇന്ത്യ കനത്ത നിശ്ശബ്ദതയാണ് പുലര്‍ത്തുന്നത്,' എന്നും അദ്ദേഹം കൂട്ടിച്ചേര്‍ത്തു.

ഇറാനിലെ പ്രധാന ആണവ കേന്ദ്രങ്ങളായ ഫോര്‍ഡോ, നടാന്‍സ്, ഇസ്ഫഹാന്‍ എന്നിവിടങ്ങളില്‍ യുഎസ് ആക്രമണം നടത്തിയതിനു പിന്നാലെയാണ് കോണ്‍ഗ്രസിന്റെ ഈ പ്രതികരണം.