പൂഞ്ചിൽ എൽ‌ഒ‌സിയിൽ കനത്ത വെടിവയ്പ്പ് തുടരുന്നു, നുഴഞ്ഞുകയറ്റ ശ്രമം സൈന്യം പരാജയപ്പെടുത്തി

ജമ്മു: രജൗരിക്ക് സമീപമുള്ള പൂഞ്ച് ജില്ലയിലെ നിയന്ത്രണ രേഖയില്‍ വെടിവയ്പ്പ് നടക്കുന്നു. തിങ്കളാഴ്ച രാവിലെ പൂഞ്ചിലെ ബാലകോട്ട് സെക്ടറിലെ നിയന്ത്രണ രേഖയില്‍ (എല്‍ഒസി) സംശയാസ്പദമായ പ്രവര്‍ത്തനം ഇന്ത്യന്‍ സൈന്യം കണ്ടെത്തിയിരുന്നു. തുടര്‍ന്ന് വെടിവയ്പ്പ് തുടരുകയാണ്.

ലഭിച്ച വിവരം അനുസരിച്ച്, വേലിക്ക് മുന്നിലുള്ള ദാബ്ബി പ്രദേശത്തെ സീറോ ലൈനിന് സമീപം നുഴഞ്ഞുകയറ്റക്കാരെന്ന് സംശയിക്കുന്നവരെ സൈനികര്‍ കണ്ടു, ഉടന്‍ തന്നെ വെടിവയ്ക്കാന്‍ തുടങ്ങി.

സംശയിക്കപ്പെടുന്ന സംഘം തിരിച്ചടിച്ചതായും തുടര്‍ന്ന് കനത്ത വെടിവയ്പ്പ് ആരംഭിച്ചതായും അദ്ദേഹം പറഞ്ഞു.

നുഴഞ്ഞുകയറ്റ ശ്രമം തടയാന്‍ കൂടുതല്‍ സേനയെ അയച്ചിട്ടുണ്ടെന്നും സൈനികരുടെ പ്രവര്‍ത്തനം തുടരുകയാണെന്നും വൃത്തങ്ങള്‍ അറിയിച്ചു.