പാകിസ്ഥാൻ വ്യാജ ഫുട്ബോൾ ടീം ജപ്പാനിൽ അറസ്റ്റിൽ

ഡല്‍ഹി: പ്രൊഫഷണല്‍ ഫുട്‌ബോള്‍ കളിക്കാരുടെ വേഷം ധരിച്ച് ജപ്പാനിലേക്ക് അനധികൃതമായി കടക്കാന്‍ ശ്രമിച്ച പാകിസ്ഥാന്‍ വ്യാജ ഫുട്‌ബോള്‍ ടീം പിടിയില്‍. മനുഷ്യക്കടത്ത് തിരിച്ചറിഞ്ഞതോടെയാണ് ഇരുപത്തിരണ്ട് പ്രതികളെ അറസ്റ്റ് ചെയ്തത്. 

പാകിസ്ഥാന്‍ ഫുട്‌ബോള്‍ ഫെഡറേഷനുമായി ബന്ധം അവകാശപ്പെട്ട്, വിദേശകാര്യ മന്ത്രാലയം നല്‍കിയതായി ആരോപിക്കപ്പെടുന്ന വ്യാജ നോ-ഒബ്ജക്ഷന്‍ സര്‍ട്ടിഫിക്കറ്റുകള്‍ കൈവശം വച്ചാണ് യാത്ര ചെയ്തത്.

ചോദ്യം ചെയ്യലില്‍ ജാപ്പനീസ് ഇമിഗ്രേഷന്‍ ഉദ്യോഗസ്ഥര്‍ക്ക് സംശയം തോന്നിയതിനെത്തുടര്‍ന്ന് സംഘത്തെ പാകിസ്ഥാനിലേക്ക് തിരിച്ചയച്ചു.

കണ്ടെത്തലുകളില്ലാതെ പാകിസ്ഥാന്‍ വിമാനത്താവളങ്ങളില്‍ നിന്ന് എങ്ങനെയാണ് അവര്‍ക്ക് വിമാനങ്ങളില്‍ കയറാന്‍ കഴിഞ്ഞതെന്ന് അധികൃതര്‍ വ്യക്തമാക്കിയിട്ടില്ലെന്ന് ജിയോ ന്യൂസ് റിപ്പോര്‍ട്ട് ചെയ്തു.