രാഹുൽ ഗാന്ധിയുടെ ആരോപണങ്ങൾ തിരിച്ചടിയായി, ബീഹാറിൽ എൻഡിഎ വൻ വിജയം നേടുമെന്ന് ജയറാം താക്കൂർ

പട്‌ന: രാഹുല്‍ ഗാന്ധിയുടെ വോട്ട് മോഷണ ആരോപണങ്ങളെ വിമര്‍ശിച്ച് ബിജെപി നേതാവ് ജയറാം താക്കൂര്‍ രംഗത്ത്. 'ചൗക്കിദാര്‍' പോലുള്ള സമാനമായ മുദ്രാവാക്യങ്ങള്‍ മുന്‍കാലങ്ങളില്‍ തിരിച്ചടിച്ചിട്ടുണ്ടെന്ന് അദ്ദേഹം പറഞ്ഞു. 

പ്രധാനമന്ത്രി മോദിക്ക് രാജ്യം വലിയ ജനവിധി നല്‍കിയെന്നും രാഹുല്‍ ഗാന്ധി 'പൂര്‍ണ്ണമായും പരാജയപ്പെട്ടു' എന്നും അദ്ദേഹം പറഞ്ഞു.

തന്റെ പരാജയങ്ങളുടെ ഉത്തരവാദിത്തത്തില്‍ നിന്ന് സ്വയം രക്ഷപ്പെടാന്‍ രാഹുല്‍ ഗാന്ധി മുന്‍കൂട്ടി ഇത്തരം ആരോപണങ്ങള്‍ ഉന്നയിക്കുന്നുണ്ടെന്നും എന്‍ഡിഎ സഖ്യം ബീഹാറില്‍ വന്‍ ഭൂരിപക്ഷത്തോടെ സര്‍ക്കാര്‍ രൂപീകരിക്കുമെന്നും താക്കൂര്‍ കൂട്ടിച്ചേര്‍ത്തു.