ചൈനയുടെ അത്യാധുനിക യുദ്ധവിമാനം ജെ35 വാങ്ങാന്‍ ഒരുങ്ങി പാകിസ്ഥാന്‍. സാങ്കേതികവിദ്യയുടെ കാര്യത്തില്‍ ഇന്ത്യയുടെ റാഫേലിനേക്കാള്‍ മികച്ചത്. ജെ35 കണ്ടെത്തുന്നത് റഡാറിനും എളുപ്പമല്ല. വ്യോമസേനയ്ക്ക് മാത്രമല്ല നാവികസേനയ്ക്കും ഈ വിമാനങ്ങള്‍ പ്രയോജനപ്പെടും. ഇന്ത്യക്ക് തലവേദനയാകുമോ?

ഡല്‍ഹി: ഇന്ത്യന്‍ വ്യോമസേനയുടെ വിംഗ് കമാന്‍ഡര്‍ അഭിനന്ദന്‍ 2019 ഫെബ്രുവരി 27 ന് തന്റെ മിഗ് -21 ഉപയോഗിച്ചാണ് പാകിസ്ഥാന്‍ യുദ്ധവിമാനമായ എഫ് -16 വെടിവച്ചു വീഴ്ത്തിയത്. മിഗ് -21 നേക്കാള്‍ മികച്ച യുദ്ധവിമാനമായ എഫ് -16 ആണ് അഭിനന്ദന്‍ വെടിവച്ചു വീഴ്ത്തിയത്.

എന്നാല്‍ ഒരു ഇന്ത്യന്‍ പൈലറ്റ് അവരുടെ അത്യാധുനിക എഫ് -16, പഴയ തലമുറ മിഗ് വിമാനം ഉപയോഗിച്ച് വെടിവച്ചിട്ടുവെന്ന വസ്തുത പാകിസ്ഥാന്‍ അംഗീകരിച്ചില്ല. അന്ന് പാക് വ്യോമസേന എഫ്-16 ഉപയോഗിച്ചിട്ടില്ലെന്ന് തന്നെയാണ് അവര്‍ അവകാശപ്പെട്ടിരുന്നത്

ഇപ്പോള്‍ പാകിസ്ഥാന്‍ അത്യാധുനിക യുദ്ധവിമാനം വാങ്ങാനുള്ള ഒരുക്കത്തിലാണ്. ചൈനയില്‍ നിന്ന് തങ്ങളുടെ അഞ്ചാം തലമുറ വിമാനമായ ജെ-35 വാങ്ങാന്‍ പാകിസ്ഥാന്‍ പദ്ധതിയിട്ടതായി റിപ്പോര്‍ട്ടുകളുണ്ട്.

ഈ കരാര്‍ അന്തിമമായാല്‍ ഇന്ത്യയെ അപേക്ഷിച്ച് പാകിസ്ഥാന്‍ വ്യോമസേനയ്ക്ക് വലിയ ഉത്തേജനം ലഭിക്കും. കാരണം സാങ്കേതികവിദ്യയുടെ കാര്യത്തില്‍ ഇന്ത്യയുടെ ഏറ്റവും നൂതനമായ യുദ്ധവിമാനമായ റാഫേലിനേക്കാള്‍ മികച്ചതാണ് ചൈനയുടെ ജെ-35

ചൈനയുടെ ഷെന്‍യാങ് എയര്‍ക്രാഫ്റ്റ് കോര്‍പ്പറേഷനാണ് ജെ-35 നിര്‍മ്മിച്ചത്. ഇത് ഒരു ഇരട്ട എഞ്ചിന്‍ വിമാനമാണ്. എല്ലാ കാലാവസ്ഥയിലും പറക്കാന്‍ കഴിവുള്ള സ്റ്റെല്‍ത്ത് വിമാനമാണ്. ഇതിനെക്കുറിച്ച് പബ്ലിക് ഡൊമെയ്നില്‍ ലഭ്യമായ വിവരങ്ങള്‍ അനുസരിച്ച്, ഏതൊരു റഡാറിനും ജെ-35 കണ്ടെത്തുന്നത് വളരെ ബുദ്ധിമുട്ടാണ്.

അതില്‍ ഉപയോഗിച്ചിരിക്കുന്ന സ്റ്റെല്‍ത്ത് സാങ്കേതികവിദ്യയാണ് കാരണം. ലോകത്തിലെ ഏറ്റവും അത്യാധുനിക യുദ്ധവിമാനമായി കണക്കാക്കപ്പെടുന്ന അമേരിക്കന്‍ എഫ് -35 മായി ഇതിനെ താരതമ്യം ചെയ്യുന്നുണ്ടെങ്കിലും വാസ്തവത്തില്‍ അതിന്റെ മികവ് ഇതുവരെ തെളിയിക്കപ്പെട്ടിട്ടില്ല

ചൈനയ്ക്ക് മറ്റൊരു സ്റ്റെല്‍ഡ് വിമാനം ജെ-20 ഉണ്ട്. അമേരിക്ക കഴിഞ്ഞാല്‍ രണ്ട് സ്റ്റെല്‍ത്ത് ഫൈറ്റര്‍ ജെറ്റുകളുള്ള ആദ്യ രാജ്യമായി ചൈന മാറി. വ്യോമസേനയ്ക്ക് മാത്രമല്ല നാവികസേനയ്ക്കും വേണ്ടിയാണ് ചൈന ഈ വിമാനങ്ങള്‍ നിര്‍മ്മിച്ചിരിക്കുന്നത്. 

ഫ്രഞ്ച് കമ്പനിയായ ദസോള്‍ട്ട് ഏവിയേഷനാണ് ഈ വിമാനം നിര്‍മ്മിച്ചിരിക്കുന്നത്. 4.5 തലമുറ റാഫേല്‍ ഒരു പരിചയസമ്പന്ന യുദ്ധവിമാനമാണ്. 4.5 എന്നാല്‍ ഈ വിമാനം നാലാമത്തെയും അഞ്ചാമത്തെയും തലമുറയ്ക്ക് ഇടയിലാണ്. 

അഫ്ഗാനിസ്ഥാന്‍, ലിബിയ, ഇറാഖ്, സിറിയ, മാലി തുടങ്ങിയ രാജ്യങ്ങളില്‍ ഫ്രഞ്ച് വ്യോമസേന ഇത് ഉപയോഗിച്ചു. ഇതിന്റെ പരമാവധി വേഗത 1.8 മാക് ആണ്, അതായത് മണിക്കൂറില്‍ 2222.64 കിലോമീറ്റര്‍

ബിയോണ്ട് വിഷ്വല്‍ റേഞ്ച് മിസൈല്‍ (ബിവിആര്‍ മിസൈല്‍) ആയ മെറ്റിയര്‍ മിസൈല്‍ എന്ന പ്രത്യേക ആയുധം വഹിക്കാനുള്ള ശേഷി ഇതിന് ഉണ്ട്. അതായത് ലക്ഷ്യം ദൃശ്യമല്ലെങ്കിലും, 100 കിലോമീറ്റര്‍ അകലെ നിന്ന് അതിനെ തൊടാന്‍ മിസൈലിന് കഴിയും.

ആയുധങ്ങളും ഇന്ധനവുമില്ലാത്ത റഫേലിന്റെ ഭാരം 10 ടണ്ണാണ്. എന്നാല്‍ ഈ വിമാനത്തിന് ആയുധങ്ങളും ഇന്ധനവും ഉള്‍പ്പെടെ 24.5 ടണ്‍ ഭാരത്തില്‍ പറന്നുയരാന്‍ കഴിയും. 50,000 അടി ഉയരത്തില്‍ പറന്ന് ദൗത്യം നിര്‍വഹിക്കാന്‍ ഈ വിമാനത്തിന് കഴിയും.