ഡല്ഹി: മദ്യനയ അഴിമതി കേസില് ബിആര്എസ് നേതാവ് കെ കവിതയുടെ ജാമ്യാപേക്ഷ വിചാരണ കോടതി തള്ളി. മാര്ച്ച് 15 നാണ് കവിതയെ ഇഡി അറസ്റ്റ് ചെയ്യുന്നത്.
ജുഡീഷ്യല് കസ്റ്റഡിയില് കഴിയവേയാണ് സിബിഐ അറസ്റ്റ്. നിലവില് നാളെ വരെ കവിത ജുഡീഷ്യല് കസ്റ്റഡിയിലാണ്.
ഡല്ഹി മദ്യനയത്തിന്റെ പ്രയോജനം ലഭിക്കാന് ഡല്ഹി മുഖ്യമന്ത്രി അരവിന്ദ് കെജരിവാളുമായും ആംആദ്മി പാര്ട്ടി നേതാവ് മനീഷ് സിസോദിയയുമായും കവിത ഗൂഢാലോചന നടത്തിയെന്നും നേതാക്കള്ക്കു 100 കോടി കൈമാറിയെന്നുമാണ് ഇഡി ആരോപണം.
ഇഡിയും സിബിഐയും എടുത്ത കേസുകളിലാണ് കവിത ജാമ്യം തേടി കോടതിയെ സമീപിച്ചത്. ലോക്സഭാ തെരഞ്ഞെടുപ്പില് പാര്ട്ടിയുടെ താരപ്രചാരകരില് ഒരാളാണ് താനെന്നും അതുകൊണ്ട് ജാമ്യം അനുവദിക്കണമെന്നുമായിരുന്നു കവിത വാദം.
എന്നാല് കേസിലെ നിര്ണായക പങ്കുള്ളയാളാണ് കവിത. ജാമ്യം നല്കിയാല് അത് അന്വേഷണത്തെ പ്രതികൂലമായി ബാധിക്കുമെന്നായിരുന്നു ഇ.ഡിയുടെ വാദം.