നാഥു ലായും ലിപുലേഖ് ലായും കൈലാസ യാത്രയുടെ താല്‍ക്കാലിക ഇമിഗ്രേഷന്‍ ചെക്ക്പോസ്റ്റുകളായി മാറിയെന്ന് ആഭ്യന്തര മന്ത്രാലയം

ഡല്‍ഹി: കൈലാസ് മാനസരോവര്‍ തീര്‍ത്ഥാടകര്‍ക്ക് ഇന്ത്യയിലേക്ക് പ്രവേശിക്കുന്നതിനും പുറത്തുകടക്കുന്നതിനുമായി നാഥു ലാ (സിക്കിം), ലിപുലേഖ് ലാ (ഗുഞ്ചി, ഉത്തരാഖണ്ഡ്) എന്നിവ താല്‍ക്കാലികമായി അംഗീകൃത ഇമിഗ്രേഷന്‍ ചെക്ക്പോസ്റ്റുകളായി നിയോഗിക്കപ്പെട്ടതായി ആഭ്യന്തര മന്ത്രാലയം അറിയിച്ചു.

വിദേശകാര്യ മന്ത്രാലയം എല്ലാ വര്‍ഷവും ജൂണ്‍ മുതല്‍ സെപ്റ്റംബര്‍ വരെ രണ്ട് വഴികളിലൂടെ (ലിപുലേഖ് പാസ്, നാഥു ലാ പാസ്) കൈലാസ് മാനസരോവര്‍ യാത്ര സംഘടിപ്പിക്കുന്നു.

കോവിഡ്-19 മഹാമാരിക്ക് ശേഷം ഈ വര്‍ഷത്തെ യാത്ര ആദ്യമായാണ് നടക്കുന്നത്. 2020 ല്‍ ആദ്യം പകര്‍ച്ചവ്യാധി മൂലവും പിന്നീട് ചൈനയുമായുള്ള സൈനിക സംഘര്‍ഷം മൂലവും യാത്ര നിര്‍ത്തിവച്ചിരുന്നു.