ഡിഎംകെയുമായുള്ള തെരഞ്ഞെടുപ്പ് കരാര്‍. കമല്‍ ഹാസന്‍ രാജ്യസഭയിലേക്ക്. എട്ട് രാജ്യസഭാ സീറ്റുകളിലേക്കുള്ള തിരഞ്ഞെടുപ്പ് ജൂണ്‍ 19 ന് നടക്കും

ചെന്നൈ: തമിഴ്നാട് ഭരണകക്ഷിയായ ഡിഎംകെയുമായുള്ള തെരഞ്ഞെടുപ്പ് കരാറിനെത്തുടര്‍ന്ന് മക്കള്‍ നീതി മയ്യം മേധാവിയും നടനുമായ കമല്‍ ഹാസന്‍ രാജ്യസഭയിലേക്ക് പ്രവേശിക്കാന്‍ ഒരുങ്ങുന്നു. തമിഴ്നാട്ടിലെ ആറ്, അസമിലെ രണ്ട് എന്നീ എട്ട് രാജ്യസഭാ സീറ്റുകളിലേക്കുള്ള തിരഞ്ഞെടുപ്പ് ജൂണ്‍ 19 ന് നടക്കും.

2024 ലെ ലോക്സഭാ തെരഞ്ഞെടുപ്പിന് മുന്നോടിയായി മക്കള്‍ നീതി മയ്യം തമിഴ്നാട്ടിലെ ഡിഎംകെ നേതൃത്വത്തിലുള്ള സഖ്യത്തില്‍ ഔദ്യോഗികമായി ചേര്‍ന്നിരുന്നു.

ഒരു ലോക്സഭാ സീറ്റില്‍ മത്സരിക്കാനോ അല്ലെങ്കില്‍ തിരഞ്ഞെടുപ്പിന് ശേഷമുള്ള രാജ്യസഭാ സീറ്റ് സ്വീകരിക്കാനോ കമലഹാസന് അവസരം നല്‍കി.

തമിഴ്നാട്ടിലെ ഡിഎംകെ-കോണ്‍ഗ്രസ് സഖ്യത്തിന് പാര്‍ട്ടി പൂര്‍ണ്ണ പിന്തുണ നല്‍കിയിട്ടും 70 കാരനായ കമല്‍ ലോക്സഭാ തിരഞ്ഞെടുപ്പില്‍ മത്സരിക്കുന്നതില്‍ നിന്ന് വിട്ടുനിന്നിരുന്നു.