രാഷ്ട്രീയ നിര്‍ബന്ധം കൊണ്ടല്ല, പ്രത്യയശാസ്ത്രങ്ങള്‍ യോജിച്ചതുകൊണ്ടാണ് ഡിഎംകെ നേതൃത്വത്തിലുള്ള സഖ്യത്തില്‍ തന്റെ പാര്‍ട്ടി ചേര്‍ന്നതെന്ന് കമൽഹാസൻ

ചെന്നൈ: രാഷ്ട്രീയ നിര്‍ബന്ധം കൊണ്ടല്ല, പ്രത്യയശാസ്ത്രങ്ങള്‍ യോജിച്ചതുകൊണ്ടാണ് ഡിഎംകെ നേതൃത്വത്തിലുള്ള സഖ്യത്തില്‍ തന്റെ പാര്‍ട്ടി ചേര്‍ന്നതെന്ന് നടനും മക്കള്‍ നീതി മയ്യം (എംഎന്‍എം) നേതാവുമായ കമല്‍ ഹാസന്‍.

ഒരു പരിപാടിയില്‍ സംസാരിക്കവെ, തന്റെ മുന്‍ 'യുദ്ധവിളി' ഒരിക്കലും ഡിഎംകെയെ ലക്ഷ്യം വച്ചുള്ളതല്ലെന്നും, വെവ്വേറെ മത്സരിച്ചപ്പോഴും ഇരു പാര്‍ട്ടികളും ഒരു പൊതു കാഴ്ചപ്പാട് പങ്കിട്ടിരുന്നുവെന്നും കമല്‍ഹാസന്‍ പറഞ്ഞു.

എംഎന്‍എം ആദ്യം നിര്‍ദ്ദേശിച്ച നിരവധി ആശയങ്ങള്‍ ഡിഎംകെ നടപ്പിലാക്കിയെന്നും, സഖ്യം സ്വാഭാവിക തിരഞ്ഞെടുപ്പാണെന്നും കമല്‍ഹാസന്‍ പറഞ്ഞു.

'പരിമിതികളോ സാഹചര്യങ്ങളോ മൂലമല്ല ഞങ്ങള്‍ ചേര്‍ന്നത്. ഞങ്ങളുടെ പ്രത്യയശാസ്ത്രങ്ങള്‍ ഒന്നായതിനാല്‍ ചേരാനുള്ള സ്ഥലമായിരുന്നു ഇത്,' അദ്ദേഹം പറഞ്ഞു.

ഭരണകക്ഷി സ്വന്തം തത്വങ്ങള്‍ പ്രതിഫലിപ്പിക്കുമ്പോള്‍, എംഎന്‍എം എന്തിനാണ് 'നമുക്ക് പോലും അറിയാത്ത ഒരാളുമായി' സഖ്യമുണ്ടാക്കുന്നതെന്ന് അദ്ദേഹം ചോദിച്ചു.