നിങ്ങൾ മുഖ്യമന്ത്രിയാണോ, അതോ നീ സിദ്ധരാമയ്യയുടെ പെണ്ണാണോ?' ബെംഗളൂരു മെട്രോയില്‍ കന്നഡ സംസാരിക്കാന്‍ ആവശ്യപ്പെട്ട സ്ത്രീയോട് ഹിന്ദിയില്‍ പ്രതികരിച്ച് യുവതി

ബെംഗളൂരു: ബെംഗളൂരുവിലെ നമ്മ മെട്രോ സ്റ്റേഷനില്‍ രണ്ട് സ്ത്രീകള്‍ തമ്മിലുള്ള രൂക്ഷമായ വാഗ്വാദത്തിന്റെ വീഡിയോ സോഷ്യല്‍ മീഡിയയില്‍ വൈറലായതോടെ പൊതു ഇടങ്ങളിലെ ഭാഷാ ഉപയോഗത്തെക്കുറിച്ച് പുതിയ ചര്‍ച്ചകള്‍ ആരംഭിച്ചു. 

ഒരു സ്ത്രീ കന്നഡ സംസാരിക്കണമെന്ന് നിര്‍ബന്ധിച്ചപ്പോള്‍ മറ്റേ സ്ത്രീ ഹിന്ദിയില്‍ മറുപടി നല്‍കി. ഇതാണ് തര്‍ക്കത്തിന് കാരണമെന്ന് റിപ്പോര്‍ട്ടുണ്ട്. 

നമ്മ മെട്രോ സ്റ്റേഷനിലെ ടിക്കറ്റ് കൗണ്ടറിന് സമീപമാണ് സംഭവം നടന്നതെന്ന് റിപ്പോര്‍ട്ടുണ്ട്, അവിടെ രണ്ട് സ്ത്രീകള്‍ തമ്മില്‍ വാക്കുതര്‍ക്കമുണ്ടായി. കറുത്ത ബുര്‍ഖ ധരിച്ച ഒരു സ്ത്രീ മറ്റേയാളോട് 'ഹിന്ദി സംസാരിക്കാന്‍' പറയുന്നതും കന്നഡ സംസാരിക്കാന്‍ നിര്‍ബന്ധിച്ചതിന് നിങ്ങള്‍ മുഖ്യമന്ത്രിയാണോ എന്ന് ചോദ്യം ചെയ്യുന്നതും വീഡിയോയില്‍ കാണാം.

ഭരണത്തിലും വിദ്യാഭ്യാസത്തിലും കന്നഡയെ പിന്തുണയ്ക്കുന്നതില്‍ പ്രശസ്തനായ കര്‍ണാടക മുഖ്യമന്ത്രി സിദ്ധരാമയ്യയെ പരാമര്‍ശിച്ച്, സ്ത്രീകളില്‍ ഒരാള്‍ 'നിങ്ങള്‍ സിദ്ധരാമയ്യയുടെ പെണ്ണാണോ? എന്ന് ചോദിച്ചതോടെ സ്ഥിതി കൂടുതല്‍ വഷളായി.

അതേസമയം, സാരി ധരിച്ച സ്ത്രീ, കന്നഡ സംസാരിക്കാനുള്ള തന്റെ അവകാശം ഉറപ്പിച്ചു പറഞ്ഞുകൊണ്ട്, 'കന്നഡ... കന്നഡ' എന്ന് പലതവണ പറഞ്ഞു.