കാണ്‍പൂരിലെ ലാലാ ലജ്പത് റായ് ആശുപത്രിയില്‍ വന്‍ തീപിടുത്തം. വന്‍ ദുരന്തം ഒഴിവാക്കിയത് ഡ്യൂട്ടിയിലുണ്ടായിരുന്ന സ്റ്റാഫ് നഴ്സിന്റെയും വാര്‍ഡ് ബോയിയുടെയും സമയോചിതമായ ഇടപെടലില്‍

കാണ്‍പൂര്‍: ലാലാ ലജ്പത് റായ് ആശുപത്രിയിലെ അടിയന്തരാവസ്ഥ വിഭാഗത്തിലെ റെഡ് സോണില്‍ ഇന്ന് രാവിലെ 8:30 ഓടെ ഷോര്‍ട്ട് സര്‍ക്യൂട്ടിന്റെ ഫലമായി തീപിടുത്തം ഉണ്ടായി.

സംഭവസമയത്ത് ഡ്യൂട്ടിയിലുണ്ടായിരുന്ന സ്റ്റാഫ് നഴ്സും വാര്‍ഡ് ബോയിയും ഉടന്‍ തന്നെ തീ അണയ്ക്കാന്‍ ഇടപെട്ടതുകൊണ്ട് വലിയ ദുരന്തം ഒഴിവാക്കാന്‍ സാധിച്ചു.

12-ാം നമ്പര്‍ കിടക്കയ്ക്ക് മുകളിലുള്ള ചുമരിലെ ഫാനില്‍ നിന്നാണ് പുക ഉയരാന്‍ തുടങ്ങിയത്. ഉടന്‍ തീ പടര്‍ന്നു.

എന്നാല്‍ നഴ്സിംഗ് സ്റ്റാഫിന്റെയും വാര്‍ഡ് ബോയിയുടെയും സമയോചിതമായ പ്രവര്‍ത്തനം മൂലം തീ വേഗത്തില്‍ അണയ്ക്കാനായി. മുന്‍കരുതല്‍ സ്വീകരിച്ച്, റെഡ് സോണില്‍ പ്രവേശിപ്പിച്ചിരുന്ന രോഗിയെ ഉടന്‍ തന്നെ മറ്റൊരു വാര്‍ഡിലേക്ക് മാറ്റി.