കന്നഡ സംവിധായകൻ ഗുരുപ്രസാദിനെ മരിച്ച നിലയിൽ കണ്ടെത്തി; അപ്പാർട്ടുമെന്റിലെ സീലിങ്ഫാനിൽ തൂങ്ങിയ നിലയിൽ കണ്ടെത്തിയ മൃതദേഹം അഴുകിയ നിലയിൽ

ബെംഗളൂരു∙ കന്നഡ സംവിധായകൻ ഗുരുപ്രസാദിനെ (52) മദനായകനഹള്ളിയിലെ അപ്പാർട്മെന്റിൽ മരിച്ചനിലയിൽ കണ്ടെത്തി. അടുത്തിടെ വീണ്ടും വിവാഹിതനായ ​ഗുരുപ്രസാദ് കടക്കെണിയിലായിരുന്നുവെന്ന് സൂചന. 

സീലിങ് ഫാനിൽ തൂങ്ങിയ നിലയിൽ കണ്ടെത്തിയ മൃതദേഹം അഴുകിയിരുന്നു. അപ്പാർട്മെന്റിൽനിന്ന് അസഹനീയ ഗന്ധം വരുന്നുവെന്ന അയൽക്കാരുടെ പരാതിയിലാണ് പൊലീസ് സ്ഥലത്തെത്തിയത്. ദിവസങ്ങൾക്കുമുൻപ് ഗുരുപ്രസാദ് ആത്മഹത്യ ചെയ്തതാകാമെന്നാണ് പൊലീസിന്റെ അനുമാനം. 

മാത, എഡ്ഡെലു മഞ്ജുനാഥ, ഡയറക്ടേഴ്സ് സ്പെഷൽ തുടങ്ങിയവയാണ് പ്രധാനപ്പെട്ട സിനിമകൾ. അഡേമ എന്ന ചിത്രത്തിന്റെ പ്രവർത്തനങ്ങൾ നടക്കുമ്പോഴായിരുന്നു അന്ത്യം.