തെ​ര​ഞ്ഞെ​ടു​പ്പ് പ്ര​ഖ്യാ​പി​ക്കും മുമ്പേ സ്ഥാ​നാ​ർ​ഥി​കളായി! ഇത് കെ​സി​ആ​റി​ന്‍റെ പൊളിറ്റിക്കൽ തന്ത്രം മാത്രമല്ല, ആത്മവിശ്വാസവും കൂടിയാണ്. തെ​ലു​ങ്കാ​ന​യി​ൽ ബി​ആ​ർ​എ​സ് ശക്തമാണെന്നും വെല്ലുവിളികളെ ഭയമില്ലെന്നുമുള്ള സൂചനയായി സ്ഥാനാർഥി പ്രഖ്യാപനത്തെ കാണാം. 95 മു​ത​ൽ 105 സീ​റ്റു​ക​ളി​ൽ വിജയവും ഉറപ്പിച്ചു!

ഹൈ​ദ​രാ​ബാ​ദ്: തെ​ലു​ങ്കാ​ന​യി​ൽ നി​യ​മ​സ​ഭാ തെ​ര​ഞ്ഞെ​ടു​പ്പ് എത്തും മുമ്പേ സ്ഥാനാർഥികളെ പ്രഖ്യാപിച്ചിരിക്കുകയാണ് ബിആർഎസ്. മു​ഖ്യ​മ​ന്ത്രി കെ. ​ച​ന്ദ്ര​ശേ​ഖ​ർ റാ​വു​വി​ന്‍റെ ആത്മവിശ്വാസത്തിനപ്പുറം രാഷ്ട്രീയ തന്ത്രം കൂടിയാണിത്. 

തെരഞ്ഞെടുപ്പ് പ്രഖ്യാപിച്ചാൽ പോലും സീറ്റുകൾക്കായുള്ള തമ്മിലടിയുണ്ടാവുന്നത് പതിവ് കാഴ്ചയാണ്. ഈ സാഹചര്യത്തിൽ ബിആർഎസ് ശക്തമാണെന്ന് തെളിയിക്കുക കൂടിയാണ് സ്ഥാനാർത്ഥി പ്രഖ്യാപനത്തിലൂടെയുണ്ടായിട്ടുള്ളത്. 

119 മ​ണ്ഡ​ല​ങ്ങ​ളു​ള്ള തെ​ലു​ങ്കാ​ന​യി​ൽ 115 സീ​റ്റു​ക​ളി​ലേ​ക്കാ​ണ് ഭാ​ര​ത് രാ​ഷ്ട്ര സ​മി​തി (ബി​ആ​ർ​എ​സ്) സ്ഥാ​നാ​ർ​ഥി​ക​ളെ പ്രഖ്യാപിച്ചിരിക്കുന്നത്. മു​ഖ്യ​മ​ന്ത്രി കെ. ​ച​ന്ദ്ര​ശേ​ഖ​ർ റാ​വു​വി​ന്‍റെ നേ​തൃ​ത്വ​ത്തിലാണ് പ്ര​ഖ്യാ​പനം നടന്നതും. 

സ്ഥാ​നാ​ർ​ഥി​ക​ളി​ൽ ഭൂ​രി​ഭാ​ഗം സി​റ്റിം​ഗ് എം​എ​ൽ​എ​മാ​രും പ​ട്ടി​ക​യി​ൽ ഇ​ടം പി​ടി​ച്ചു. ഏ​ഴു പേ​രു​ക​ളി​ൽ മാ​ത്ര​മേ മാ​റ്റം വ​രു​ത്തി​യി​ട്ടു​ള്ളു. ന​ർ​സാ​പൂ​ർ, നാ​മ്പ​ള്ളി, ഗോ​ഷാ​മ​ഹ​ൽ, ജ​ങ്കാ​വ് നി​യ​മ​സ​ഭാ മ​ണ്ഡ​ല​ങ്ങ​ളി​ലേ​ക്കു​ള്ള സ്ഥാ​നാ​ർ​ഥി​ക​ളെ​യാ​ണ് ഇ​നി പ്ര​ഖ്യാ​പി​ക്കാ​നു​ള്ള​ത്.

95 മു​ത​ൽ 105 സീ​റ്റു​ക​ളി​ൽ വ​രെ ബി​ആ​ർ​എ​സി​ന് വി​ജ​യം ഉ​റ​പ്പാ​ണെ​ന്ന് ച​ന്ദ്ര​ശേ​ഖ​ർ റാ​വു പ​റ​ഞ്ഞു. 2018ലും ​ബി​ആ​ർ​എ​സ് വ​ള​രെ നേ​ര​ത്തെ ത​ന്നെ സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ചി​രു​ന്നു.