നിങ്ങള്‍ക്ക് അതിനെക്കുറിച്ച് അറിയാമായിരുന്നുവെങ്കില്‍ എന്തുകൊണ്ട് ക്രമീകരണങ്ങള്‍ ചെയ്തില്ല എന്നതാണ് ഞങ്ങളുടെ ചോദ്യം? കശ്മീർ ആക്രമണത്തിൽ പ്രധാനമന്ത്രിക്ക് രഹസ്യ വിവരം ലഭിച്ചിരുന്നു: സന്ദർശനം റദ്ദാക്കിയതിൽ മല്ലികാർജുൻ ഖാർഗെ

ഡല്‍ഹി: ജമ്മു കശ്മീരില്‍ ഭീകരാക്രമണത്തിന് സാധ്യതയുണ്ടെന്ന് ഇന്റലിജന്‍സ് റിപ്പോര്‍ട്ട് ലഭിച്ചതായും തുടര്‍ന്നാണ് കേന്ദ്രഭരണ പ്രദേശത്തേക്കുള്ള സന്ദര്‍ശനം പ്രധാനമന്ത്രി നരേന്ദ്ര മോദി റദ്ദാക്കിയതെന്നും അവകാശപ്പെട്ട് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ.

ഏപ്രില്‍ 22 ന് പഹല്‍ഗാം ആക്രമണം നടക്കുന്നതിന് മൂന്ന് ദിവസം മുമ്പ് പ്രധാനമന്ത്രിക്ക് ഇന്റലിജന്‍സ് റിപ്പോര്‍ട്ട് അയച്ചിരുന്നുവെന്ന് ഖാര്‍ഗെ പറഞ്ഞു. 

'ഇന്റലിജന്‍സ് പരാജയം ഉണ്ട്, സര്‍ക്കാര്‍ അത് അംഗീകരിച്ചിട്ടുണ്ട്, അവര്‍ അത് പരിഹരിക്കും. അവര്‍ക്ക് ഇത് അറിയാമായിരുന്നെങ്കില്‍, അവര്‍ എന്തുകൊണ്ട് ഒന്നും ചെയ്തില്ല?.

ആക്രമണത്തിന് മൂന്ന് ദിവസം മുമ്പ് പ്രധാനമന്ത്രി മോദിക്ക് ഒരു ഇന്റലിജന്‍സ് റിപ്പോര്‍ട്ട് അയച്ചതായും അതിനാല്‍ അദ്ദേഹം കശ്മീര്‍ സന്ദര്‍ശിക്കാനുള്ള തന്റെ പരിപാടി റദ്ദാക്കിയതായും എനിക്ക് വിവരം ലഭിച്ചു, ഞാനും ഇത് ഒരു പത്രത്തില്‍ വായിച്ചു...' അദ്ദേഹം കൂട്ടിച്ചേര്‍ത്തു.

പഹല്‍ഗാമില്‍ അവധിക്കാലം ആഘോഷിക്കുകയായിരുന്ന വിനോദസഞ്ചാരികള്‍ക്ക് നേരെ ഭീകരര്‍ വെടിയുതിര്‍ത്ത് 26 പേരുടെ ജീവന്‍ അപഹരിച്ച ആക്രമണത്തില്‍ ഇന്റലിജന്‍സ് പരാജയം ഉണ്ടായിരുന്നുവെന്ന് സര്‍ക്കാര്‍ സമ്മതിച്ചതായും ഖാര്‍ഗെ പറഞ്ഞു.

നിങ്ങള്‍ക്ക് അതിനെക്കുറിച്ച് അറിയാമായിരുന്നുവെങ്കില്‍ എന്തുകൊണ്ട് നല്ല ക്രമീകരണങ്ങള്‍ ചെയ്തില്ല എന്നതാണ് ഞങ്ങളുടെ ചോദ്യം?' ഖാര്‍ഗെ ചോദിച്ചു.