അതിര്‍ത്തി കടന്നുള്ള ഭീകരാക്രമണങ്ങള്‍ തടയാമെന്ന താലിബാന്റെ വാഗ്ദാനം പാലിച്ചാല്‍ മാത്രമേ അഫ്ഗാനിസ്ഥാനുമായുള്ള വെടിനിർത്തൽ നിലനിൽക്കൂ: ഖാജ ആസിഫ്

ഡല്‍ഹി: അതിര്‍ത്തി കടന്നുള്ള ഭീകരാക്രമണങ്ങള്‍ തടയാമെന്ന താലിബാന്റെ വാഗ്ദാനം പാലിച്ചാല്‍ മാത്രമേ അഫ്ഗാനിസ്ഥാനുമായുള്ള വെടിനിര്‍ത്തല്‍ കരാര്‍ നിലനില്‍ക്കുകയുള്ളൂവെന്ന് പാകിസ്ഥാന്‍ പ്രതിരോധ മന്ത്രി ഖാജ ആസിഫ്. 

ഖത്തറും തുര്‍ക്കിയും സൗകര്യമൊരുക്കിയ ദോഹ ചര്‍ച്ചകള്‍ക്കിടെ പാക്കിസ്ഥാനും അഫ്ഗാനിസ്ഥാനും വെടിനിര്‍ത്തല്‍ കരാറില്‍ എത്തിയതിന് തൊട്ടുപിന്നാലെയാണ് അദ്ദേഹത്തിന്റെ പ്രസ്താവന.

സന്ധി നിലനില്‍ക്കുന്നത് അഫ്ഗാനിസ്ഥാന്റെ പ്രവര്‍ത്തനങ്ങളെ ആശ്രയിച്ചിരിക്കുമെന്നും അതിര്‍ത്തിയില്‍ നിന്ന് വരുന്ന എന്തും കരാര്‍ ലംഘനമായി കണക്കാക്കുമെന്നും പാകിസ്ഥാന്‍ വാര്‍ത്താ ഏജന്‍സിയായ ഡോണിനോട് ആസിഫ് പറഞ്ഞു. 'എല്ലാം ഈയൊരു വ്യവസ്ഥയെ ആശ്രയിച്ചിരിക്കുന്നു,' അദ്ദേഹം പറഞ്ഞു.

പാകിസ്ഥാന്‍, അഫ്ഗാനിസ്ഥാന്‍, തുര്‍ക്കി, ഖത്തര്‍ എന്നിവര്‍ ഒപ്പുവെച്ച കരാറില്‍ അതിര്‍ത്തി കടന്നുള്ള നുഴഞ്ഞുകയറ്റം ഉണ്ടാകില്ലെന്ന് വ്യക്തമായി പറഞ്ഞിട്ടുണ്ടെന്നും അദ്ദേഹം കൂട്ടിച്ചേര്‍ത്തു.

'ഇതിനകം പ്രാബല്യത്തിലുള്ള കരാര്‍ ലംഘിക്കപ്പെടുന്നിടത്തോളം കാലം ഞങ്ങള്‍ക്ക് ഒരു വെടിനിര്‍ത്തല്‍ കരാറുണ്ട്,' ആസിഫ് പറഞ്ഞു.