അവധിയെടുക്കുന്നത് സംബന്ധിച്ചുണ്ടായ തർക്കം. സർക്കാർ ഓഫീസിൽ സഹപ്രവർത്തകന്റെ വെട്ടേറ്റ് നാല് ഉദ്യോ​ഗസ്ഥർക്ക് പരിക്ക്

കൊൽക്കത്ത: പശ്ചിമ ബംഗാൾ സർക്കാർ ഓഫീസിൽ സഹപ്രവർത്തകന്റെ വെട്ടെറ്റ് നാല് ഉദ്യോ​ഗസ്ഥർക്ക് പരിക്ക്.

ന്യൂടൗൺ ഏരിയയിലെ സാങ്കേതിക വിദ്യാഭ്യാസ വകുപ്പിലെ ജീവനക്കാർക്കു നേരെ സഹപ്രവർത്തകന്റെ ആക്രമണം ഉണ്ടായത്.

അവധിയെടുക്കുന്നത് സംബന്ധിച്ചുണ്ടായ തർക്കമാണ് ആക്രമണത്തിൽ കലാശിച്ചത്. 

ആക്രമണവുമായി ബന്ധപ്പെട്ട് അസിത് സർക്കാർ എന്ന ഉദ്യോ​ഗസ്ഥനെ ടെക്‌നോ സിറ്റി പോലീസ് അറസ്റ്റ് ചെയ്തു.

സാങ്കേതിക വിദ്യാഭ്യാസ വകുപ്പിലെ ജീവനക്കാരായ ജയ്ദേബ് ചക്രവർത്തി, സന്തുനു സാഹ, സാർത്ത ലേറ്റ്, ഷെയ്ഖ് സതാബുൾ എന്നിവർക്കാണ് ആക്രമണത്തിൽ പരിക്കേറ്റതെന്നും ഇവരിൽ രണ്ടുപേരുടെ നില ഗുരുതരമാണെന്നും പോലീസ് കൂട്ടിച്ചേർത്തു.