/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/03/29/sRsp0B1lC3NRBWrIkLIK.jpg)
ഡല്‍ഹി: മഹാരാഷ്ട്ര ഉപമുഖ്യമന്ത്രി ഏകനാഥ് ഷിന്‍ഡെയ്‌ക്കെതിരായ ആക്ഷേപഹാസ്യത്തിന്റെ പേരില്‍ ഹാസ്യനടന്‍ കുനാല്‍ കമ്രയ്ക്ക് പോലീസ് മൂന്നാമത്തെ സമന്‍സ് അയച്ചതായി റിപ്പോര്‍ട്ട്.
മുംബൈയില്‍ നടന്ന ഒരു ഷോയില്‍ മഹാരാഷ്ട്ര ഉപമുഖ്യമന്ത്രി ഏക്നാഥ് ഷിന്‍ഡെയെക്കുറിച്ച് അപകീര്‍ത്തികരമായ പരാമര്‍ശങ്ങള്‍ നടത്തിയെന്നാരോപിച്ച് ഫയല്‍ ചെയ്ത കേസിലാണ് 36 കാരനായ കമ്രയ്ക്ക് ശനിയാഴ്ച ഹാജരാകാന്‍ ആവശ്യപ്പെട്ട് സമന്‍സ് അയച്ചിരിക്കുന്നത്.
നേരത്തെ, കമ്രയ്ക്ക് പോലീസ് രണ്ടുതവണ സമന്‍സ് അയച്ചിരുന്നു. എന്നാല്‍, അദ്ദേഹം അവരുടെ മുമ്പാകെ ഹാജരായില്ല.
2025 മാര്‍ച്ചില്‍ കമ്രയ്ക്കെതിരെ ആദ്യ എഫ്ഐആര്‍ രജിസ്റ്റര്‍ ചെയ്ത മുംബൈയിലെ ഖാര്‍ പോലീസ് സ്റ്റേഷനിലെ ഉദ്യോഗസ്ഥരുടെ മുമ്പാകെ ഹാജരാകാന്‍ കമ്രയോട് ഇപ്പോള്‍ ആവശ്യപ്പെട്ടിട്ടുണ്ടെന്ന് ഉദ്യോഗസ്ഥരെ ഉദ്ധരിച്ച് പിടിഐ റിപ്പോര്‍ട്ട് ചെയ്തു.
ശിവസേനയുടെ തലവനായ ഷിന്‍ഡെക്കെതിരെ മെട്രോപോളിസിലെ ഒരു സ്റ്റുഡിയോയില്‍ സംഘടിപ്പിച്ച ഒരു ഷോയില്‍ നടത്തിയ വിവാദ പരാമര്‍ശങ്ങളിലൂടെ കാമ്ര അടുത്തിടെ വാര്‍ത്തകളില്‍ ഇടം നേടിയിരുന്നു.
ഭാരതീയ ന്യായ സംഹിതയിലെ അപകീര്‍ത്തിപ്പെടുത്തല്‍, പൊതുജന ദ്രോഹം എന്നീ വകുപ്പുകള്‍ പ്രകാരമാണ് കാമ്രയ്ക്കെതിരെ കേസെടുത്തത്. ഷിന്‍ഡെയെ 'രാജ്യദ്രോഹി' എന്ന് വിശേഷിപ്പിച്ച് ഒരു പാരഡി ഗാനം ആലപിച്ച വീഡിയോ സോഷ്യല്‍ മീഡിയയില്‍ അപ്ലോഡ് ചെയ്തതിനെ തുടര്‍ന്നാണ് കേസ് രജിസ്റ്റര്‍ ചെയ്തത്.
കാമ്രയുടെ പരിഹാസത്തില്‍ ഷിന്‍ഡെയുടെ പേര് പരാമര്‍ശിച്ചിട്ടില്ലെങ്കിലും, 2022-ല്‍ അന്നത്തെ മുഖ്യമന്ത്രി ഉദ്ധവ് താക്കറെയ്ക്കെതിരെ ഷിന്‍ഡെ നടത്തിയ കലാപത്തെക്കുറിച്ച് അദ്ദേഹം പരാമര്‍ശിച്ചിരുന്നു.