കുപ്‌വാര ജില്ലയിൽ സുരക്ഷാ സേന നടത്തിയ വെടിവയ്പ്പിൽ രണ്ട് ഭീകരരെ വധിച്ചു

ശ്രീനഗര്‍: കുപ്വാര ജില്ലയിലെ കേരന്‍ സെക്ടറിലെ നിയന്ത്രണ രേഖയിലൂടെയുള്ള നുഴഞ്ഞുകയറ്റ ശ്രമം പരാജയപ്പെടുത്തി സൈന്യം.

ജമ്മു കശ്മീരിലെ സൈന്യവും അര്‍ദ്ധസൈനിക വിഭാഗങ്ങളും ഉള്‍പ്പെടുന്ന സംയുക്ത ടാസ്‌ക് ഫോഴ്സ് നടത്തിയ ഓപ്പറേഷനില്‍ രണ്ട് തീവ്രവാദികളെ സുരക്ഷാ സേന വധിച്ചു.

ശക്തമായ നിരീക്ഷണത്തിനിടയില്‍, ജാഗ്രത പാലിച്ച സൈനികര്‍ എല്‍ഒസിക്ക് സമീപം സംശയാസ്പദമായ പ്രവര്‍ത്തനങ്ങള്‍ ശ്രദ്ധിച്ചു.

നുഴഞ്ഞുകയറ്റക്കാരെന്ന് സംശയിക്കുന്നവരെ സായുധ സേന വെല്ലുവിളിച്ചപ്പോള്‍ അവര്‍ വെടിയുതിര്‍ത്തു. സൈന്യം ഉടന്‍ തന്നെ ബന്ധം സ്ഥാപിക്കുകയും പ്രദേശം വളയുകയും തീവ്രവാദികള്‍ രക്ഷപ്പെടുന്നത് തടയാന്‍ തീവ്രമായ തിരച്ചില്‍ ആരംഭിക്കുകയും ചെയ്തു.

സംയുക്ത ഓപ്പറേഷന്‍ ടീമിന്റെ സമയോചിതമായ പ്രതികരണം സെക്ടറിനുള്ളില്‍ തീവ്രവാദികളെ കുടുക്കുന്നതില്‍ വിജയിച്ചു. മണിക്കൂറുകളോളം വെടിവയ്പ്പ് തുടര്‍ന്നതായും കൂടുതല്‍ നുഴഞ്ഞുകയറ്റം ഉണ്ടാകാതിരിക്കാന്‍ പ്രദേശം നന്നായി പരിശോധിക്കുന്നതായും വൃത്തങ്ങള്‍ സൂചിപ്പിച്ചു.