തിരുപ്പതി ലഡ്ഡു വിവാദം: വ്യാജ നെയ്യ് നിർമ്മിക്കാൻ രാസവസ്തുക്കൾ നൽകിയ വ്യാപാരിയെ എസ്‌ഐടി അറസ്റ്റ് ചെയ്തു

തിരുപ്പതി:  തിരുമല തിരുപ്പതി ദേവസ്ഥാനം നെയ്യില്‍ മായം ചേര്‍ത്ത കേസില്‍ പ്രത്യേക അന്വേഷണ സംഘം ഡല്‍ഹി ആസ്ഥാനമായുള്ള രാസവസ്തു വ്യാപാരിയായ അജയ് കുമാര്‍ സുഗന്ധയെ അറസ്റ്റ് ചെയ്തു.

മായം ചേര്‍ത്ത നെയ്യ് തയ്യാറാക്കാന്‍  രാസവസ്തുക്കള്‍ വിതരണം ചെയ്തതായാണ് ആരോപണം.

2024 സെപ്റ്റംബറില്‍ ആന്ധ്രാപ്രദേശ് മുഖ്യമന്ത്രി എന്‍ ചന്ദ്രബാബു നായിഡു മുന്‍ ഭരണകാലത്ത് ടിടിഡി ലഡ്ഡുവില്‍ മൃഗക്കൊഴുപ്പ് ചേര്‍ത്തിരുന്നുവെന്ന് ആരോപിച്ചതോടെയാണ് വിവാദം പൊട്ടിപ്പുറപ്പെട്ടത്. 

തുടര്‍ന്ന് കോടതിയുടെ നിര്‍ദ്ദേശപ്രകാരം ഒരു പ്രത്യേക അന്വേഷണ സംഘം രൂപീകരിച്ചു. ടിടിഡി ഉപയോഗിക്കുന്ന നെയ്യിന്റെ സംഭരണ രേഖകള്‍, വിതരണ ശൃംഖലകള്‍, ഗുണനിലവാര പരിശോധനാ രീതികള്‍ എന്നിവ പരിശോധനക്ക് വിധേയമാക്കി.