ഓപ്പറേഷന്‍ സിന്ദൂരിനെ ഭയന്ന് ലഷ്‌കര്‍-ഇ-തൊയ്ബ. അഫ്ഗാന്‍ അതിര്‍ത്തിക്കടുത്തുള്ള താവളങ്ങള്‍ മാറ്റുന്നു

ഡല്‍ഹി: ഓപ്പറേഷന്‍ സിന്ദൂരില്‍ പാകിസ്ഥാനിലെ തീവ്രവാദ കേന്ദ്രങ്ങള്‍ തകര്‍ത്തതിന് നാല് മാസങ്ങള്‍ക്ക് ശേഷം, ലഷ്‌കര്‍-ഇ-തൊയ്ബ പാകിസ്ഥാനിലെ ഖൈബര്‍ പഖ്തൂണ്‍ഖ്വ പ്രവിശ്യയിലേക്ക് അവരുടെ താവളം മാറ്റുകയാണ്.

അഫ്ഗാന്‍ അതിര്‍ത്തിക്കടുത്ത് 'മര്‍കസ് ജിഹാദ്-ഇ-അഖ്സ' സ്ഥാപിക്കുന്നു. ജെയ്ഷെ-ഇ-മുഹമ്മദും ഹിസ്ബുള്‍ മുജാഹിദീനും അവരുടെ താവളങ്ങള്‍ മാറ്റിസ്ഥാപിച്ചിരുന്നു.

ഓപ്പറേഷന്‍ സിന്ദൂരില്‍ ഇന്ത്യ തങ്ങളുടെ താവളങ്ങള്‍ നശിപ്പിച്ച രീതി തീവ്രവാദ സംഘടനകളെ അമ്പരപ്പിക്കുന്നു.

ഇന്ത്യയെ ഒഴിവാക്കാന്‍, തീവ്രവാദ സംഘടനകള്‍ അഫ്ഗാന്‍ അതിര്‍ത്തിക്ക് സമീപം താമസം മാറ്റുകയാണ്. ആവശ്യമെങ്കില്‍ അത്തരം വിദൂര സ്ഥലങ്ങള്‍ ആക്രമിക്കാന്‍ സൈന്യത്തിന് കഴിവുണ്ടെന്ന് ഇന്ത്യന്‍ സൈനിക ഉന്നത വൃത്തങ്ങള്‍ അവകാശപ്പെട്ടു.

ഒരു വശത്ത് ഖൈബര്‍ പഖ്തുന്‍ഖ്വയില്‍ ഭീകരതയെ നിര്‍വീര്യമാക്കുന്നതിന്റെ പേരില്‍ പാകിസ്ഥാന്‍ സ്വന്തം പൗരന്മാരെ കൊല്ലുമ്പോള്‍ മറുവശത്ത് ഐഎസ്ഐ ജെയ്ഷെ മുഹമ്മദ്, ഹിസ്ബുള്‍ മുജാഹിദീന്‍, ലഷ്‌കര്‍-ഇ-തൊയ്ബ തുടങ്ങിയ തീവ്രവാദ സംഘടനകളെ ഖൈബര്‍ പഖ്തുന്‍ഖ്വയിലേക്ക് കടക്കാന്‍ അനുവദിക്കുന്നത് വിരോധാഭാസമാണ്.