ബെംഗളൂരുവിൽ സഫാരി ബസിനെ ആക്രമിച്ച് പുള്ളിപ്പുലി; 12 വയസ്സുകാരന് പരിക്ക്

ബെംഗളൂരു: ബെംഗളൂരുവിലെ ബന്നാര്‍ഘട്ട ദേശീയോദ്യാനത്തില്‍ പുള്ളിപ്പുലി സഫാരി ബസിലേക്ക് ചാടിക്കയറി. 12 വയസ്സുള്ള ആണ്‍കുട്ടിയുടെ കൈയില്‍ കടിച്ചു. 

ബസ് മുന്നോട്ട് നീങ്ങിയപ്പോള്‍ പുള്ളിപ്പുലി പെട്ടെന്ന് അതിലേക്ക് പാഞ്ഞുകയറി. തുടര്‍ന്ന് കുട്ടിയുടെ കൈയില്‍ കടിച്ചു. 

മറ്റൊരു സഫാരി വാഹനത്തിലെ സന്ദര്‍ശകര്‍ പകര്‍ത്തിയ വീഡിയോയില്‍, കാഴ്ചക്കാരുടെ അമ്പരപ്പിക്കുന്ന പ്രതികരണങ്ങള്‍ ഉണ്ടായിരുന്നു.

ഡ്രൈവര്‍ ബസ് വേഗത്തില്‍ ഓടിച്ചുകൊണ്ടുപോകുമ്പോള്‍ കുട്ടികളോടും സഹയാത്രികരോടും നിശബ്ദത പാലിക്കാനും ശാന്തത പാലിക്കാനും ചിലര്‍ ആവശ്യപ്പെടുന്നത് കേള്‍ക്കാംയ

ദേശീയോദ്യാനത്തില്‍ ഇത്തരമൊരു സംഭവം ആദ്യമായല്ല നടക്കുന്നത്. കഴിഞ്ഞ വര്‍ഷം, ഒരു പുള്ളിപ്പുലി ഒരു സഫാരി ബസില്‍ ചാടിക്കയറുകയും, വശത്തേക്ക് കയറാന്‍ ശ്രമിക്കുകയും, ഞെട്ടിപ്പോയ യാത്രക്കാരെ നോക്കി ജനാലയിലൂടെ ഒളിഞ്ഞുനോക്കുകയും ചെയ്യുന്ന മറ്റൊരു വീഡിയോ വൈറലായിരുന്നു. 

പിന്നീട് പുള്ളിപ്പുലി മേല്‍ക്കൂരയിലേക്ക് ചാടി കയറാന്‍ ശ്രമിച്ചെങ്കിലും ഡ്രൈവര്‍ വാഹനം ശ്രദ്ധാപൂര്‍വ്വം മുന്നോട്ട് നീക്കിയപ്പോള്‍ പിന്‍വാങ്ങി.