'ഓപ്പറേഷന്‍ സിന്ദൂര്‍' പിന്നാലെ പാക് പ്രകോപനം. 10 ഇന്ത്യക്കാര്‍ കൊല്ലപ്പെട്ടു. 33 പേര്‍ക്ക് പരിക്ക്. നിയന്ത്രണ രേഖയ്ക്ക് സമീപമുള്ള സാധാരണക്കാരെ ഒഴിപ്പിക്കാന്‍ ഉത്തരവിട്ട് അമിത് ഷാ

ഡല്‍ഹി: പാകിസ്ഥാന്‍ സൈന്യം നിയന്ത്രണ രേഖയിലും അന്താരാഷ്ട്ര അതിര്‍ത്തിയിലും നടത്തിയ വെടിവയ്പ്പില്‍ 10 സാധാരണക്കാര്‍ കൊല്ലപ്പെടുകയും 33 പേര്‍ക്ക് പരിക്കേല്‍ക്കുകയും ചെയ്തതിനെത്തുടര്‍ന്ന് നിയന്ത്രണ രേഖയ്ക്ക് സമീപമുള്ള സാധാരണക്കാരെ ഒഴിപ്പിക്കാന്‍ കേന്ദ്ര ആഭ്യന്തര മന്ത്രി അമിത് ഷാ ഉത്തരവിട്ടു.

ഏപ്രില്‍ 22-ന് പഹല്‍ഗാമില്‍ 26 പേര്‍ കൊല്ലപ്പെട്ട ആക്രമണത്തിന് മറുപടിയായി ഇന്ത്യ നടത്തിയ 'ഓപ്പറേഷന്‍ സിന്ദൂര്‍' എന്ന പ്രതികാര നടപടിക്ക് മണിക്കൂറുകള്‍ക്ക് ശേഷമാണ് ഈ സംഭവം.

അതിര്‍ത്തി സുരക്ഷാ സേന ഡയറക്ടര്‍ ജനറല്‍ ദല്‍ജിത് സിംഗ് ചൗധരി, ജമ്മു കശ്മീര്‍ ലെഫ്റ്റനന്റ് ഗവര്‍ണര്‍ മനോജ് സിന്‍ഹ, മുഖ്യമന്ത്രി ഒമര്‍ അബ്ദുള്ള എന്നിവരുമായി അമിത് ഷാ നിരന്തരം ഫോണില്‍ ബന്ധപ്പെട്ടുകൊണ്ടിരിക്കുകയാണ്.

എല്‍ഒസിക്ക് സമീപമുള്ള സാധാരണക്കാരെ ബക്കറിലെ സുരക്ഷിത സ്ഥലങ്ങളിലേക്ക് മാറ്റാന്‍ ആഭ്യന്തരമന്ത്രി നിര്‍ദ്ദേശിച്ചു, അവരുടെ സുരക്ഷയാണ് ഇന്ത്യയുടെ മുന്‍ഗണനയെന്ന് അദ്ദേഹം വ്യക്തമാക്കി.