ലോക്‌സഭാ തിരഞ്ഞെടുപ്പ്; പഞ്ചാബിൽ ബിജെപി-അകാലിദൾ സഖ്യം ചർച്ച പരാജയപ്പെട്ടു

ഡൽഹി: 2024ലെ ലോക്‌സഭാ തിരഞ്ഞെടുപ്പിന് മുന്നോടിയായി പഞ്ചാബിൽ മത്സരിക്കുന്നതിനായുള്ള ബിജെപിയുടെയും ശിരോമണി അകാലിദളിന്റെയും സഖ്യമുണ്ടാക്കാനുള്ള ചർച്ച പരാജയപ്പെട്ടു.

പഞ്ചാബിലെ 13 ലോക്‌സഭാ സീറ്റുകളിലും ചണ്ഡീഗഡിലെ ഒരു സീറ്റിലും മത്സരിക്കുമെന്ന് ആം ആദ്മി പാർട്ടി പ്രഖ്യാപിച്ചതിന് പിന്നാലെയാണ് ബിജെപി എസ്എഡിയുമായി ചർച്ചയ്ക്ക് ഒരുങ്ങിയത്. എഎപി മേധാവിയും ഡൽഹി മുഖ്യമന്ത്രിയുമായ അരവിന്ദ് കെജ്‌രിവാളാണ് ശനിയാഴ്ച പ്രഖ്യാപനം നടത്തിയത്.  "അടുത്ത 10-15 ദിവസത്തിനുള്ളിൽ, ഈ 14 സീറ്റുകളിലും എഎപി സ്ഥാനാർത്ഥികളെ പ്രഖ്യാപിക്കും" എന്നും അദ്ദേഹം പറഞ്ഞിരുന്നു.

എസ്എഡിയുടെ അന്തരിച്ച ഗോത്രപിതാവും മുൻ പഞ്ചാബ് മുഖ്യമന്ത്രിയുമായ പ്രകാശ് സിംഗ് ബാദൽ 2020-ൽ ബിജെപിയുമായി സഖ്യമുണ്ടാക്കിയത് ഇപ്പോൾ റദ്ദാക്കിയ കാർഷിക നിയമങ്ങൾക്കെതിരായ കർഷകരുടെ പ്രതിഷേധത്തിൻ്റെ പശ്ചാത്തലത്തിലാണ്. അതിനിടെ ഫെബ്രുവരി 13ന് 200 കർഷക യൂണിയനുകൾ 'ഡൽഹി ചലോ' മാർച്ച് സംഘടിപ്പിക്കാനൊരുങ്ങുകയാണ്.   

ഇതിന്റെ പശ്ചാതലത്തിൽ ഹരിയാനയിലെ പ്രധാന റോഡുകളിൽ കനത്ത നിയന്ത്രണങ്ങളാണ് ഏർപ്പെടുത്തിയിരിക്കുന്നത്.  കൂടാതെ ഡൽഹിയിൽ ജാ​ഗ്രതാ നിർദ്ദേശവും പുറപ്പെടുവിച്ചിട്ടുണ്ട്. പ്രതിഷേധത്തിന് മുന്നോടിയായി ക്രമസമാധാനം ഉറപ്പാക്കാൻ പഞ്ച്കുളയിൽ 144 ഏർപ്പെടുത്തിയിട്ടുണ്ട്.