'ഇത്തരമൊരാള്‍ സമൂഹത്തില്‍ ജീവിക്കുന്നത് അപകടകരമാണ്', ബലാത്സംഗത്തിന് ശേഷം പെണ്‍കുട്ടിയെ കൊലപ്പെടുത്തിയ പ്രതിക്ക് കോടതി വധശിക്ഷ വിധിച്ചു

ഡല്‍ഹി: മധ്യപ്രദേശില്‍ നാല് വയസ്സുള്ള പെണ്‍കുട്ടിയെ തട്ടിക്കൊണ്ടുപോയി ബലാത്സംഗം ചെയ്ത് കൊലപ്പെടുത്തിയ കേസില്‍ കുറ്റക്കാരനാണെന്ന് കണ്ടെത്തിയ ഒരാള്‍ക്ക് കോടതി വധശിക്ഷ വിധിച്ചു.

അപൂര്‍വങ്ങളില്‍ അപൂര്‍വമായ ഒരു സംഭവമാണിതെന്ന് വിധിച്ച നാലാം അഡീഷണല്‍ സെഷന്‍സ് ആന്‍ഡ് സ്പെഷ്യല്‍ ജഡ്ജി നേഹ ശ്രീവാസ്തവ, സമൂഹത്തില്‍ അത്തരമൊരു വ്യക്തിയുടെ സാന്നിധ്യം മനുഷ്യരാശിക്ക് ഭീഷണിയാണെന്ന് ഉത്തരവില്‍ എഴുതി.

പ്രോസിക്യൂഷന്‍ പറയുന്നതനുസരിച്ച്, കഴിഞ്ഞ വര്‍ഷം ഏപ്രില്‍ 8 ന് രാത്രി, പെണ്‍കുട്ടി അമ്മയോടൊപ്പം ഉറങ്ങുകയായിരുന്നപ്പോള്‍, 28 വയസ്സുള്ള ബന്ധു തട്ടിക്കൊണ്ടുപോവുകയായിരുന്നു.

പെണ്‍കുട്ടിയെ ബലാത്സംഗം ചെയ്ത ശേഷം ശ്വാസം മുട്ടിച്ച് കൊലപ്പെടുത്തി. പോസ്റ്റ്മോര്‍ട്ടത്തില്‍ ബലാത്സംഗം സ്ഥിരീകരിച്ചു. സംശയത്തിന്റെ അടിസ്ഥാനത്തില്‍ പോലീസ് ഇയാളെ അറസ്റ്റ് ചെയ്യുകയും തെളിവുകള്‍ ശേഖരിച്ച ശേഷം ചലാന്‍ ഹാജരാക്കുകയും ചെയ്തു.