മഹാ കുംഭമേള നടക്കുന്ന പ്രയാഗ്രാജ് സന്ദര്‍ശിച്ച് ത്രിവേണി സംഗമത്തില്‍ പുണ്യസ്നാനം ചെയ്ത് പ്രധാനമന്ത്രി

ഡല്‍ഹി: പ്രയാഗ്രാജിലെ ത്രിവേണി സംഗമത്തില്‍ പുണ്യസ്നാനം നടത്തി പ്രധാനമന്ത്രി നരേന്ദ്രമോദി. ബുധനാഴ്ചയാണ് മോദി പ്രയാഗ്രാജ് സന്ദര്‍ശിച്ചത്. 

ആചാരപരമായ കുളി കഴിഞ്ഞ് പ്രധാനമന്ത്രി നിരവധി അഖാരകളില്‍ നിന്നുള്ള സന്യാസിമാരുടെ ഒരു സമ്മേളനത്തെ അഭിസംബോധന ചെയ്യും

നേരത്തെ പ്രധാനമന്ത്രി മോദി ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിനൊപ്പം ഏരിയല്‍ ഘട്ടില്‍ നിന്ന് മഹാകുംഭിലേക്ക് ബോട്ട് യാത്ര നടത്തിയിരുന്നു.

പ്രധാനമന്ത്രി മോദി രാവിലെ 10:05 ന് പ്രയാഗ്രാജ് വിമാനത്താവളത്തിലെത്തി, തുടര്‍ന്ന് 10:45 ന് ഏരിയല്‍ ഘട്ടിലേക്ക് പോയി. ഗംഗ, യമുന, സരസ്വതി നദികളുടെ സംഗമസ്ഥാനമായ ത്രിവേണി സംഗമത്തില്‍ കേന്ദ്രമന്ത്രി കിരണ്‍ റിജിജുവും പുണ്യസ്നാനം നടത്തി.

മഹാ കുംഭമേള 144 വര്‍ഷത്തിലൊരിക്കല്‍ അതായത് പല തലമുറകളിലൊരിക്കലാണ് വരുന്നത്. ഇത്തരമൊരു ചരിത്രപരമായ മത നിമിഷത്തില്‍ ആരും രാഷ്ട്രീയം കളിക്കരുത്

വിശുദ്ധ ത്രിവേണി സംഗമത്തില്‍ മുങ്ങിക്കുളിക്കാന്‍ കഴിഞ്ഞതില്‍ ഞാന്‍ ഭാഗ്യവാനാണ്. മഹാ കുംഭമേളയില്‍ പങ്കെടുക്കുന്ന ആളുകളുടെ എണ്ണം അഭൂതപൂര്‍വവും സങ്കല്‍പ്പിക്കാനാവാത്തതുമാണെന്നതിനാല്‍ എല്ലാവരും മാര്‍ഗ്ഗനിര്‍ദ്ദേശങ്ങള്‍ പാലിക്കുക,' റിജിജു എക്സില്‍ കുറിച്ചു.