പ്രയാഗ്‌രാജിലെ മഹാകുംഭമേള: 6 ദിവസം പുണ്യസ്നാനം നടത്തിയത് 7 കോടി ഭക്തർ

യു പി : പ്രയാഗ്‌രാജിലെ   മഹാകുംഭമേളയിൽ ഇക്കഴിഞ്ഞ ജനുവരി 11 മുതൽ 16 വരെ 7 കോടിയിലധികം ഭക്തർ വിവിധ ഘാട്ടുകളിൽ പുണ്യസ്നാനം ചെയ്തതായി സംഘാടകർ അറിയിക്കുന്നു.

40 കോടി ജനങ്ങൾ ഇത്തവണത്തെ മഹാകുംഭമേളയിൽ സ്നാനം ചെയ്യുമെന്നാണ് കണക്കുകൂട്ടുന്നത്.

കുംഭമേളയോടനുബന്ധിച്ച്‌ മറ്റു സംസ്ഥാനങ്ങളിൽനി ന്നും വിദേശത്തുനിന്നും എത്തുന്ന ഭക്തരിൽ നിന്നുൾ പ്പെടെ പലതരത്തിലുള്ള വരുമാനമാണ് വിവിധ തലങ്ങളിൽ ഉത്തർപ്രദേശിൽ എത്തുന്നത്. 

അയോദ്ധ്യ, കാശി, മധുര, വൃന്ദാവൻ, പ്രയാഗ്‌രാജ് എന്നിവിടങ്ങളിൽ ഭക്തർ വലിയതോതിലാണ് സംഭാവനകൾ നൽകുന്നത്.

ഹോട്ടലുകൾ,റസ്റ്റോറന്റുകൾ, തട്ടുകടകൾ, ലോഡ്ജുകൾ, വാഹനങ്ങൾ,ടാക്‌സികൾ, ട്രാൻസ്‌പോർട്ട് സംവി ധാനം ഒക്കെ വലിയ തിരക്കിലാണ്.

ഗൈഡുകൾ, ക്യാമറാ മാ ന്മാർ, കച്ചവടക്കാർ,ബോട്ടുടമകൾ ഒക്കെ ബിസിയാണ്. റെയിൽവേക്കും ഇത് ചാകരസീസണാണ്.

അന്നദാനമണ്ഡപങ്ങളിൽ സദാ തിരക്കാണ്. ആളുകൾക്ക് നിന്നുതിരിയാൻ ഇടമില്ലാത്തവിധം ഭക്തർ നാനാദി ക്കിൽനിന്നും പ്രയാഗ്‌രാജിലേക്ക് ഒഴുകിയെത്തുകയാണ്.