/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/04/01/YZWsU5TwzHbvD0GGqLUg.jpg)
ന്യൂഡല്ഹി: ദേശീയ ഗ്രാമീണ തൊഴിലുറപ്പ് പദ്ധതിയില് നിന്നും മഹാത്മാ ഗാന്ധിയുടെ പേര് ഒഴിവാക്കി. വിക്സിത് ഭാരത് ഗ്യാരണ്ടി ഫോര് റോസ്ഗാര് ആന്ഡ് അജീവിക മിഷന് (ഗ്രാമീണ്) ബില് എന്ന പേരിലാണ് പുതിയ തൊഴില് ഉറപ്പ് പദ്ധതി കേന്ദ്ര സര്ക്കാര് വിഭാവനം ചെയ്തിരിക്കുന്നത്.
125 ദിവസം തൊഴില് ഉറപ്പ് നല്കുന്നതാണ് വിക്സിത് ഭാരത് ഗ്യാരണ്ടി ഫോര് റോസ്ഗാര് ആന്ഡ് അജീവിക മിഷന് (ഗ്രാമീണ്) (വിബി-ജി റാം ജി ബില് 2025).
വികസിത ഭാരതം 2047 എന്ന ലക്ഷ്യം സാധ്യമാക്കുന്നതിനായാണ് പുതിയ നിയമ നിര്മാണമെന്നാണ് ബില്ലിന് കേന്ദ്രം നല്കുന്ന വിശദീകരണം.
തൊഴിലുറപ്പ് പദ്ധതി പരിഷ്കരണത്തിന് പകരം റീബ്രാന്ഡിങിലാണ് കേന്ദ്രം ശ്രദ്ധ കേന്ദ്രീകരിക്കുന്നതെന്നാണ് കോണ്ഗ്രസിന്റെ ആരോപണം.
മഹാത്മാഗാന്ധിയുടെ പേര് എന്തുകൊണ്ടാണ് ഒഴിവാക്കുന്നത് എന്ന ചോദ്യവും കോണ്ഗ്രസ് ഉയര്ത്തുന്നു.
തൊഴിലുറപ്പ് പദ്ധതി പരിഷ്കരണവുമായി ബന്ധപ്പെട്ട് രണ്ട് ബില്ലുകളാണ് കേന്ദ്ര സര്ക്കാര് ലോക്സഭയില് അവതിരിപ്പിക്കുന്നത്.
മഹാത്മാഗാന്ധി തൊഴിലുറപ്പ് പദ്ധതി പിന്വലിക്കുന്നതിനുള്ളതാണ് ഇതില് ആദ്യത്തേത്ത്. പുതിയ വിബി-ജി റാം ജി ബില് 2025 ഉം ഇതിനൊടൊപ്പം സഭയില് അവതരിപ്പിച്ചു.