മഹായുതി തദ്ദേശ തെരഞ്ഞെടുപ്പിൽ യുണൈറ്റഡ് ഫ്രണ്ട് ആയി മത്സരിക്കും: കല്യാൺ-ഡോംബിവ്‌ലിയിൽ സഖ്യത്തിന് ആഹ്വാനം ചെയ്ത്‌ ശ്രീകാന്ത് ഷിൻഡെ

മുംബൈ: നിര്‍ണായക തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിന് മുന്നോടിയായി മഹായുതി പങ്കാളികള്‍ക്കിടയില്‍ ഐക്യം ആവശ്യമാണെന്ന് ശിവസേന ലോക്സഭാ എംപി ശ്രീകാന്ത് ഷിന്‍ഡെ ആവര്‍ത്തിച്ചു. 

കല്യാണ്‍-ഡോംബിവ്ലി മേഖലയിലും സമീപ പ്രദേശങ്ങളിലെ മുനിസിപ്പാലിറ്റികളിലും ബിജെപി, ശിവസേന, നാഷണലിസ്റ്റ് കോണ്‍ഗ്രസ് പാര്‍ട്ടി (എന്‍സിപി-അജിത് പവാര്‍ വിഭാഗം) എന്നിവ ഒറ്റ സഖ്യമായി മത്സരിക്കണമെന്ന് അദ്ദേഹം ആവശ്യപ്പെട്ടു.

താനെ ജില്ലയിലെ മുനിസിപ്പല്‍ കോര്‍പ്പറേഷനുകളിലുടനീളം മഹായുതി സഖ്യം അതിന്റെ സംയുക്ത ശക്തി നിലനിര്‍ത്തണമെന്ന് അദ്ദേഹം പറഞ്ഞു. 

''കല്യാണ്‍-ഡോംബിവ്ലി ആയാലും അയല്‍ പൗര സ്ഥാപനങ്ങളായാലും, തിരഞ്ഞെടുപ്പ് ഒരു സഖ്യമായി നടക്കണം, മേയര്‍മാര്‍ മഹായുതിയില്‍ നിന്നുള്ളവരായിരിക്കണം,'' അദ്ദേഹം പറഞ്ഞു.