/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/07/31/malegaon-blast-case-untitledrainncr-2025-07-31-11-36-50.jpg)
ഡല്‍ഹി: മലേഗാവ് സ്ഫോടനക്കേസില്‍ സാധ്വി പ്രജ്ഞാസിങ് ഉള്‍പ്പെടെയുള്ള എല്ലാ പ്രതികളെയും വെറുതെവിട്ടു, 17 വര്‍ഷങ്ങള്‍ക്ക് ശേഷമാണ് എന്‍ഐഎ പ്രത്യേക കോടതി വിധി പ്രഖ്യാപിച്ചത്.
2008 സെപ്റ്റംബര്‍ 29 ന് മഹാരാഷ്ട്രയിലെ മാലേഗാവ് നഗരത്തെ നടുക്കിയ സ്‌ഫോടനത്തില്‍ ആറ് പേര്‍ കൊല്ലപ്പെട്ടിരുന്നു.
17 വര്‍ഷങ്ങള്‍ക്ക് ശേഷമാണ് ഈ കേസിലെ വിധി വരുന്നത്. ഭോപ്പാലില്‍ നിന്നുള്ള മുന്‍ ബിജെപി എംപി സാധ്വി പ്രജ്ഞ, കേണല്‍ പുരോഹിത് എന്നിവരുടെ പേരുകള്‍ ഉള്‍പ്പെടെ ഏഴ് പ്രതികള്‍ക്കെതിരെ പ്രത്യേക എന്‍ഐഎ കോടതി വിധി പറഞ്ഞത്.
ഈ വിഷയം രാഷ്ട്രീയമായി വളരെ സെന്‍സിറ്റീവ് ആണ്. കാവി ഭീകരത പോലുള്ള വാക്കുകള്‍ ആദ്യമായി ഉപയോഗിച്ചത് കോണ്‍ഗ്രസ് സര്‍ക്കാരിന്റെ കാലത്താണ്.
2008 സെപ്റ്റംബര്‍ 29 ന്, റംസാന്‍ മാസവും നവരാത്രി ഉത്സവവും ആഘോഷിക്കുന്ന തിരക്കിലായിരുന്നു ആളുകള്‍.
രാത്രി 9:35 ഓടെ, മാലേഗാവിലെ ഭിഖു ചൗക്കില്‍ ഒരു ബോംബ് സ്‌ഫോടനം നടന്നു. 6 പേര്‍ സംഭവസ്ഥലത്ത് തന്നെ മരിച്ചു. 100 ലധികം പേര്‍ക്ക് പരിക്കേറ്റു. നാസിക് ജില്ലയിലെ മാലേഗാവില്‍ മുസ്ലീങ്ങളാണ് ഭൂരിപക്ഷവും.
പതിനേഴു വര്‍ഷം നീണ്ട വിചാരണയ്ക്ക് ശേഷം ഏപ്രില്‍ 19 ന് ഏഴ് പ്രതികള്‍ക്കും എതിരായ വിധി കോടതി മാറ്റിവച്ചിരുന്നു. വിധി പ്രഖ്യാപിക്കുന്നതിനുള്ള തീയതിയായി മെയ് 8 നിശ്ചയിച്ചിരുന്നു.
എല്ലാ പ്രതികളോടും ഈ ദിവസം ഹാജരാകാന്‍ ഉത്തരവിട്ടിരുന്നു, എന്നാല്‍ പിന്നീട് കോടതി വിധി പ്രസ്താവിക്കാനുള്ള തീയതിയായി ജൂലൈ 31 നിശ്ചയിച്ചു.
ഈ കേസിന്റെ അന്വേഷണം അന്നത്തെ മഹാരാഷ്ട്ര എ.ടി.എസ് മേധാവിയും രക്തസാക്ഷി ഐ.പി.എസ് ഉദ്യോഗസ്ഥനുമായ ഹേമന്ത് കര്‍ക്കറെയ്ക്ക് കൈമാറി. അദ്ദേഹം 12 പ്രതികള്‍ക്കെതിരെ കുറ്റപത്രം സമര്‍പ്പിച്ചു, അതില്‍ അഞ്ച് പ്രതികളെ കോടതി വെറുതെവിട്ടു.