'400ലധികം നേടുമെന്നാണ് ബിജെപി പറയുന്നത്. 200 സീറ്റെന്ന കടമ്പ മറികടക്കാൻ ഞാൻ അവരെ വെല്ലുവിളിക്കുകയാണ്'; 400ലധികം മണ്ഡലങ്ങളിൽ വിജയം നേടുമെന്ന ബിജെപി പ്രഖ്യാപനത്തെ വെല്ലുവിളിച്ച് മമത ബാനർജി

കൃഷ്ണന​ഗർ: ലോക്സഭാ തിരഞ്ഞെടുപ്പിൽ 400ലധികം മണ്ഡലങ്ങളിൽ വിജയം നേടുമെന്ന ബിജെപി പ്രഖ്യാപനത്തെ വെല്ലുവിളിച്ച് പശ്ചിമബം​ഗാൾ മുഖ്യമന്ത്രിയും തൃണമൂൽ കോൺ​ഗ്രസ് നേതാവുമായ മമത ബാനർജി. 200 മണ്ഡലങ്ങളിലെങ്കിലും വിജയിച്ചുകാണിക്കാൻ അവർ ബിജെപിയെ വെല്ലുവിളിച്ചു.

'400ലധികം നേടുമെന്നാണ് ബിജെപി പറയുന്നത്. 200 സീറ്റെന്ന കടമ്പ മറികടക്കാൻ ഞാൻ അവരെ വെല്ലുവിളിക്കുകയാണ്. 2021ലെ നിയമസഭാ തിരഞ്ഞെടുപ്പിൽ 200ലധികം ഇടങ്ങളിൽ വിജയിക്കുമെന്നാണ് അവർ പറഞ്ഞത്, പക്ഷേ 77 വരെയേ നേടാനായുള്ളു'- മമത പറഞ്ഞു.

 'ബം​ഗാളിൽ ഇൻഡ്യ സഖ്യമില്ല. കോൺ​ഗ്രസും സിപിഐഎമ്മും ഇവിടെ പ്രവർത്തിക്കുന്നത് ബിജെപിക്കു വേണ്ടിയാണ്'- കൃഷ്ണന​ഗർ മണ്ഡലത്തിൽ മ​ഹുവ മൊയിത്രയുടെ തിരഞ്ഞെടുപ്പ് പ്രചാരണ റാലിയിൽ മമത പറഞ്ഞു.