വേട്ടയാടുന്നതിനിടെ തോക്കിൽ നിന്ന് അബദ്ധത്തിൽ വെടിപൊട്ടി. കാറും വീടിന്‍റെ വാതിലും തകര്‍ന്നു. രണ്ട് പേർ അറസ്റ്റിൽ

മംഗളൂരു: ഉഡുപ്പി ജില്ലയിലെ കനജാരുവിൽ വേട്ടയാടുന്നതിനിടെ തോക്കിൽ നിന്ന് അബദ്ധത്തിൽ വെടിയേറ്റ് കാറും വീടിന്‍റെ വാതിലും തകര്‍ന്നു. സംഭവത്തിൽ രണ്ട് പേരെ ഹിരിയഡ്ക പൊലീസ് അറസ്റ്റ് ചെയ്തു.

കുടി ഗ്രാമത്തിലെ കൊണ്ടടിയിലെ പ്രദീപ് (35), ഹിരിയഡ്ക ഗുഡ്ഡെയങ്ങാടിയിലെ മനോജ് (25) എന്നിവരാണ് അറസ്റ്റിലായത് .

ഇവരിൽ നിന്ന് ലൈസൻസില്ലാത്ത ഷോട്ട്ഗൺ, ഏഴ് വെടിയുണ്ടകൾ, ബൈക്ക് എന്നിവ പിടിച്ചെടുത്തു. 

വീട്ടുടമ ഗുരുരാജ് നൽകിയ പരാതിയുടെ അടിസ്ഥാനത്തിലാണ് പൊലീസ് കേസെടുത്തത് .