ജോലിക്ക് പോരാനായി വീട്ടില്‍ നിന്നിറങ്ങിയ ശേഷം ഒരു വിവരവുമില്ല. ഇംഫാല്‍ താഴ്വരയില്‍ നിന്നും കാണാതായ യുവാവിന് വേണ്ടി വന്‍ തിരച്ചില്‍

ഇംഫാല്‍: രണ്ട് ദിവസം മുമ്പ് ഇംഫാല്‍ താഴ്വരയുടെ പ്രാന്തപ്രദേശങ്ങളില്‍ നിന്ന് കാണാതായ യുവാവിന് വേണ്ടി സൈന്യം വന്‍ തിരച്ചില്‍ നടത്തുകയാണെന്ന് പ്രതിരോധ വക്താവ് അറിയിച്ചു.

ഇംഫാല്‍ വെസ്റ്റിലെ ഖുക്രൂലില്‍ താമസിച്ചിരുന്ന അസമിലെ കച്ചാര്‍ ജില്ല സ്വദേശിയായ ലൈഷ്റാം കമല്‍ബാബു സിംഗ് തിങ്കളാഴ്ച ഉച്ചയോടെ കാങ്പോക്പിയിലെ ലെയ്മഖോങ് മിലിട്ടറി സ്റ്റേഷനില്‍ ജോലിക്ക് പോകാന്‍ വീട്ടില്‍ നിന്ന് ഇറങ്ങിയതാണ്. അന്നുമുതല്‍ ഇയാളെ കാണാതായതായി അധികൃതര്‍ അറിയിച്ചു.

ലീമാഖോങ് മിലിട്ടറി സ്റ്റേഷനില്‍ മിലിട്ടറി എഞ്ചിനീയറിംഗ് സര്‍വീസസില്‍ ജോലി ചെയ്യുന്ന ഒരു കരാറുകാരന്റെ വര്‍ക്ക് സൂപ്പര്‍വൈസറായിരുന്നു അദ്ദേഹമെന്നും പ്രതിരോധ വക്താവ് പറഞ്ഞു.

നവംബര്‍ 25 ന് വൈകുന്നേരം സിംഗ് വീട്ടിലേക്ക് മടങ്ങിയെത്തിയില്ലെന്ന് കുടുംബം അറിയിച്ചതിനെത്തുടര്‍ന്ന് സൈന്യം തിരച്ചില്‍ ആരംഭിക്കുകയായിരുന്നു.