ബിജാപൂരിൽ സുരക്ഷാ സേനയുമായുള്ള ഏറ്റുമുട്ടലിൽ രണ്ട് നക്സലൈറ്റുകൾ കൊല്ലപ്പെട്ടു, വെടിവയ്പ്പ് തുടരുന്നു; നിരവധി ആയുധങ്ങൾ കണ്ടെടുത്തു

ഡല്‍ഹി: ഛത്തീസ്ഗഡില്‍ വീണ്ടും സുരക്ഷാ സേനയും നക്‌സലൈറ്റുകളും തമ്മില്‍ ഏറ്റുമുട്ടല്‍. ബിജാപൂരില്‍ സുരക്ഷാ സേനയും നക്‌സലൈറ്റുകളും തമ്മിലുള്ള ഏറ്റുമുട്ടല്‍ തുടരുകയാണെന്നാണ് വിവരം.

ഈ ഏറ്റുമുട്ടലില്‍ രണ്ട് നക്‌സലൈറ്റുകള്‍ കൊല്ലപ്പെട്ടതായി റിപ്പോര്‍ട്ടുണ്ട്. അതേസമയം, സുരക്ഷാ സേന ഒരു .303 റൈഫിളും മറ്റ് ആയുധങ്ങളും വെടിക്കോപ്പുകളും കണ്ടെടുത്തു.

തിരച്ചില്‍ തുടരുകയാണെന്ന് ബിജാപൂര്‍ എസ്പി ജിതേന്ദ്ര യാദവ് പറഞ്ഞു. ഇരുവശത്തുനിന്നും ഇടയ്ക്കിടെ വെടിവയ്പ്പ് തുടരുന്നു.