ജയ്പൂർ-ബറേലി ഹൈവേയിൽ കെമിക്കൽ ടാങ്കറിൽ വൻ തീപിടുത്തം, രണ്ട് അഗ്നിശമന സേനാംഗങ്ങൾക്ക് പൊള്ളലേറ്റു

മഥുര: ജയ്പൂര്‍-ബറേലി ഹൈവേയില്‍ രാസവസ്തുക്കള്‍ നിറച്ച ടാങ്കര്‍ നിയന്ത്രണം വിട്ട് മറിഞ്ഞു. മറിഞ്ഞയുടനെ ടാങ്കറിന് തീപിടിക്കുകയും ചെയ്തു.

അപകടവാര്‍ത്ത പരന്നയുടനെ, പരിസരപ്രദേശങ്ങളില്‍ പരിഭ്രാന്തി പരക്കുകയും വലിയൊരു ജനക്കൂട്ടം സ്ഥലത്ത് തടിച്ചുകൂടുകയും ചെയ്തു. വിവരം ലഭിച്ചയുടനെ അഞ്ച് അഗ്‌നിശമന സേനാ വാഹനങ്ങളും റിഫൈനറി സംഘങ്ങളും സ്ഥലത്തെത്തി. തീ വളരെ ശക്തമായതിനാല്‍ ടാങ്കറിന്റെ ടാങ്കുകളിലൊന്ന് വലിയ ശബ്ദത്തോടെ പൊട്ടിത്തെറിച്ചു.

അതേസമയം, തീ അണയ്ക്കാന്‍ ശ്രമിച്ച എഫ്എസ്ഒ കിഷന്‍ സിങ്ങും ഫയര്‍മാന്‍ ഷക്കീരയും പൊള്ളലേറ്റു. ഇരുവരെയും ഉടന്‍ തന്നെ ആശുപത്രിയില്‍ പ്രവേശിപ്പിച്ചു. 

ടാങ്കറില്‍ നിറച്ച രാസവസ്തുക്കള്‍ തീ കൂടുതല്‍ വഷളാക്കുന്നുണ്ടെന്ന് അഗ്‌നിശമന സേന ഉദ്യോഗസ്ഥര്‍ പറഞ്ഞു. ഇത് സ്ഥിതിഗതികള്‍ നിയന്ത്രിക്കുന്നത് വളരെ ബുദ്ധിമുട്ടാക്കിയിട്ടുണ്ട്.