നൂറ്റാണ്ടുകള്‍ക്ക് മുമ്പ് ഇന്ത്യയില്‍ നിന്ന് മൗറീഷ്യസിലേക്ക് നമ്മുടെ സംസ്‌കാരവും പാരമ്പര്യവും എത്തി. അവിടത്തെ ജീവിതപ്രവാഹത്തില്‍ ആഴ്ന്നിറങ്ങി. വികസനവുമായി ബന്ധപ്പെട്ട് ഇന്ത്യയും മൗറീഷ്യസും വാരണാസിയിൽ നിരവധി സുപ്രധാന കരാറുകളിൽ ഒപ്പുവച്ചു

വാരണാസി: ഇന്ത്യയും മൗറീഷ്യസും തമ്മിലുള്ള പരസ്പര വികസനവുമായി ബന്ധപ്പെട്ട നിരവധി സുപ്രധാന കരാറുകളില്‍ ഇരു രാജ്യങ്ങളുടെയും തലവന്മാര്‍ ഒപ്പുവച്ചു. 

നൂറ്റാണ്ടുകള്‍ക്ക് മുമ്പ് ഇന്ത്യയില്‍ നിന്ന് മൗറീഷ്യസിലേക്ക് നമ്മുടെ സംസ്‌കാരവും പാരമ്പര്യവും എത്തിയെന്നും അവിടത്തെ ജീവിതപ്രവാഹത്തില്‍ ആഴ്ന്നിറങ്ങിയെന്നും പ്രധാനമന്ത്രി മോദി പറഞ്ഞു. കാശിയിലെ ഗംഗാ മാതാവിന്റെ തടസ്സമില്ലാത്ത പ്രവാഹം പോലെ, ഇന്ത്യന്‍ സംസ്‌കാരത്തിന്റെ തുടര്‍ച്ചയായ പ്രവാഹം മൗറീഷ്യസിനെ സമ്പന്നമാക്കുന്നു.

ഇന്ന്, മൗറീഷ്യസില്‍ നിന്നുള്ള സുഹൃത്തുക്കളെ കാശിയിലേക്ക് സ്വാഗതം ചെയ്യുമ്പോള്‍, അത് വെറുമൊരു ഔപചാരികതയല്ല, മറിച്ച് ഒരു ആത്മീയ ഐക്യമാണ്. ഇന്ത്യയും മൗറീഷ്യസും വെറും പങ്കാളികളല്ല, ഒരു കുടുംബമാണ്. ഇന്ത്യയുടെ അയല്‍പക്കം ആദ്യം നയത്തിന്റെയും 'സമുദ്രം' എന്ന ദര്‍ശനത്തിന്റെയും ഒരു പ്രധാന സ്തംഭമാണ് മൗറീഷ്യസ്. മോദി പറഞ്ഞു.

ചാഗോസ് ഉടമ്പടിയുടെ സമാപനത്തില്‍ പ്രധാനമന്ത്രി രാംഗൂലം ജിയെയും മൗറീഷ്യസിലെ ജനങ്ങളെയും ഞാന്‍ ഹൃദയപൂര്‍വ്വം അഭിനന്ദിക്കുന്നു. മൗറീഷ്യസിന്റെ പരമാധികാരത്തിന് ഇത് ഒരു ചരിത്ര വിജയമാണ്.

കോളനിവല്‍ക്കരണത്തെ ഇല്ലാതാക്കുന്നതിനും മൗറീഷ്യസിന്റെ പരമാധികാരത്തെ പൂര്‍ണ്ണമായി അംഗീകരിക്കുന്നതിനും ഇന്ത്യ എപ്പോഴും പിന്തുണച്ചിട്ടുണ്ട്. ഇതില്‍ ഇന്ത്യ മൗറീഷ്യസിനൊപ്പം ഉറച്ചുനില്‍ക്കുന്നു.
മൗറീഷ്യസിന്റെ വികസനത്തില്‍ വിശ്വസനീയവും പ്രാഥമിക പങ്കാളിയുമായതില്‍ ഇന്ത്യ അഭിമാനിക്കുന്നു. 

മൗറീഷ്യസിന്റെ ആവശ്യങ്ങളും മുന്‍ഗണനകളും മനസ്സില്‍ വെച്ചുകൊണ്ട് ഇന്ന് ഞങ്ങള്‍ ഒരു പ്രത്യേക സാമ്പത്തിക പാക്കേജ് തീരുമാനിച്ചു. ഇത് അടിസ്ഥാന സൗകര്യങ്ങള്‍ ശക്തിപ്പെടുത്തുകയും പുതിയ തൊഴിലവസരങ്ങള്‍ സൃഷ്ടിക്കുകയും ആരോഗ്യ സൗകര്യങ്ങള്‍ ശക്തിപ്പെടുത്തുകയും ചെയ്യും.

കഴിഞ്ഞ വര്‍ഷമാണ് മൗറീഷ്യസില്‍ യുപിഐ, റുപേ കാര്‍ഡുകള്‍ അവതരിപ്പിച്ചത്. ഇനി പ്രാദേശിക കറന്‍സിയില്‍ വ്യാപാരം സാധ്യമാക്കുന്നതിനായി നമ്മള്‍ പ്രവര്‍ത്തിക്കും.

ഇന്ത്യയിലെ ഐഐടി മദ്രാസും ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് പ്ലാന്റേഷന്‍ മാനേജ്മെന്റും മൗറീഷ്യസ് സര്‍വകലാശാലയുമായി കരാറുകളില്‍ ഒപ്പുവച്ചു. ഗവേഷണം, വിദ്യാഭ്യാസം, നവീകരണം എന്നിവയിലെ പരസ്പര പങ്കാളിത്തത്തെ പുതിയ തലത്തിലേക്ക് കൊണ്ടുപോകുന്നതാണ് ഈ കരാറുകള്‍.

ഇന്ത്യന്‍ മഹാസമുദ്ര മേഖലയില്‍ ഇന്ത്യ എപ്പോഴും പ്രഥമ പ്രതികരണക്കാരനും സുരക്ഷാ ദാതാവുമായി നിലകൊള്ളുന്നു. ഇന്ത്യയും മൗറീഷ്യസും രണ്ട് രാഷ്ട്രങ്ങളാണ്, പക്ഷേ ഞങ്ങളുടെ സ്വപ്നങ്ങളും വിധിയും ഒന്നാണെന്നും മോദി പറഞ്ഞു.