'നായ്ക്കൾ അക്രമാസക്തരാണോ അല്ലയോ എന്ന് നമ്മൾ എങ്ങനെ തീരുമാനിക്കും?' മനേക ഗാന്ധി

ഡല്‍ഹി: തെരുവ് നായ്ക്കളെ സംബന്ധിച്ച സുപ്രീം കോടതിയുടെ ഏറ്റവും പുതിയ തീരുമാനത്തെ മൃഗാവകാശ പ്രവര്‍ത്തകയും ബിജെപി നേതാവുമായ മനേക ഗാന്ധി സ്വാഗതം ചെയ്തു. 

സുപ്രീം കോടതിയിലെ മൂന്ന് ജഡ്ജിമാരുടെ ബെഞ്ച് ഷെല്‍ട്ടര്‍ ഹോമിലേക്ക് അയച്ച എല്ലാ തെരുവ് നായ്ക്കളെയും വിട്ടയക്കണമെന്ന് ഉത്തരവിട്ടിരുന്നു.

നായ്ക്കള്‍ക്ക് പ്രത്യേക തീറ്റ മേഖലകള്‍ സൃഷ്ടിക്കാനുള്ള കോടതി ഉത്തരവിനെ മനേക ഗാന്ധി പിന്തുണച്ചു, 25 വര്‍ഷത്തിനിടെ ആദ്യമായി ഈ പരിപാടിക്കായി പാര്‍ലമെന്റില്‍ 2,500 കോടി രൂപയുടെ ഫണ്ട് സര്‍ക്കാര്‍ പ്രഖ്യാപിച്ചിട്ടുണ്ടെന്ന് അവര്‍ പറഞ്ഞു.

'ഈ ശാസ്ത്രീയ തീരുമാനത്തില്‍ ഞാന്‍ വളരെ സന്തുഷ്ടയാണ്. നായ്ക്കളുടെ കടിയേറ്റതിന്റെ പ്രധാന കാരണം ഭയവും സ്ഥലം മാറ്റവുമാണ്.

പേവിഷബാധയുള്ള നായ്ക്കളെ തുറന്നുവിടുന്നതിനെക്കുറിച്ച് ഒരു ചോദ്യവുമില്ല. ഏത് നായയാണ് ആക്രമണകാരിയെന്ന് കോടതി വ്യക്തമാക്കിയിട്ടില്ല, അതിന്റെ നിര്‍വചനം നിശ്ചയിക്കണം,' മനേക ഗാന്ധി പറഞ്ഞു.