മഹാത്മാഗാന്ധി ദേശീയ ഗ്രാമീണ തൊഴിലുറപ്പ് നിയമത്തിന്റെ പേര് 'പൂജ്യ ബാപ്പു ഗ്രാമീണ്‍ റോജ്ഗര്‍ യോജന' എന്ന് കേന്ദ്ര സര്‍ക്കാര്‍ പുനര്‍നാമകരണം ചെയ്‌തേക്കുമെന്ന് സൂചന

ഡല്‍ഹി: മഹാത്മാഗാന്ധി ദേശീയ ഗ്രാമീണ തൊഴിലുറപ്പ് നിയമത്തിന്റെ (എംഎന്‍ആര്‍ഇജിഎ) പേര് 'പൂജ്യ ബാപ്പു ഗ്രാമീണ്‍ റോജ്ഗര്‍ യോജന' എന്ന് കേന്ദ്ര സര്‍ക്കാര്‍ പുനര്‍നാമകരണം ചെയ്‌തേക്കുമെന്ന് സൂചന. 

കേന്ദ്ര മന്ത്രിസഭ മൂന്ന് പ്രധാന തീരുമാനങ്ങള്‍ക്ക് അംഗീകാരം നല്‍കുമെന്നാണ് വിവരം. ആണവോര്‍ജ്ജ ബില്ലിനും ഉന്നത വിദ്യാഭ്യാസ ബില്ലിനും മന്ത്രിസഭയുടെ അംഗീകാരം ലഭിക്കുമെന്ന് പ്രതീക്ഷിക്കുന്നു.

'ജോലി ചെയ്യാനുള്ള അവകാശം' ഉറപ്പാക്കാന്‍ ലക്ഷ്യമിടുന്ന ഒരു ഇന്ത്യന്‍ തൊഴില്‍ നിയമവും സാമൂഹിക സുരക്ഷാ നടപടിയുമാണ് മഹാത്മാഗാന്ധി ദേശീയ ഗ്രാമീണ തൊഴിലുറപ്പ് നിയമം. തുടക്കത്തില്‍ ഇത് ദേശീയ ഗ്രാമീണ തൊഴിലുറപ്പ് നിയമം 2005 എന്നറിയപ്പെട്ടിരുന്നു.