ഇന്ത്യന്‍ നഗരങ്ങളെ ലക്ഷ്യമിടാനുള്ള പാകിസ്ഥാന്റെ ശ്രമങ്ങള്‍ പരാജയപ്പെട്ടതിന്റെ തെളിവുകള്‍ പുറത്ത്. പഞ്ചാബിലെ ഹോഷിയാര്‍പൂരിലും ബത്തിന്‍ഡയിലും മിസൈല്‍ അവശിഷ്ടങ്ങളും ഷെല്ലുകളും കണ്ടെത്തി

ഡല്‍ഹി: ഇന്ത്യന്‍ നഗരങ്ങളെ ലക്ഷ്യമിടാനുള്ള പാകിസ്ഥാന്റെ ശ്രമങ്ങള്‍ പരാജയപ്പെട്ടതിന്റെ തെളിവുകള്‍ പുറത്ത്. പഞ്ചാബിലെ നിരവധി ഗ്രാമങ്ങളില്‍ ചിതറിക്കിടക്കുന്ന മിസൈല്‍ അവശിഷ്ടങ്ങള്‍ കണ്ടെത്തി, ഇസ്ലാമാബാദിന്റെ മിസൈലുകളും ഡ്രോണുകളും ഇന്ത്യ വിജയകരമായി വെടിവച്ചു വീഴ്ത്തിയിരുന്നു.

ഹോഷിയാര്‍പൂരിലെ കാമാഹി കുന്നിന്‍ പ്രദേശത്തുനിന്ന് ഒരു മിസൈല്‍ കണ്ടെത്തി, വിവരം ലഭിച്ചതിനെത്തുടര്‍ന്ന് പ്രാദേശിക പോലീസ് സ്ഥലത്തെത്തി.

ബത്തിന്‍ഡയിലെ ബീഡ് തലാബിന് സമീപം മിസൈല്‍ അവശിഷ്ടങ്ങള്‍ കണ്ടെത്തി. ഈ ഭാഗങ്ങള്‍ നിര്‍വീര്യമാക്കി. എല്ലാവരും വീടിനുള്ളില്‍ തന്നെ തുടരാന്‍ ഗുരുദ്വാര സാഹിബില്‍ ഒരു അറിയിപ്പ് നല്‍കി.

വ്യാഴാഴ്ച അമൃത്സറില്‍ മിസൈല്‍ അവശിഷ്ടങ്ങള്‍ കണ്ടെത്തിയത് പ്രദേശത്ത് പരിഭ്രാന്തി പരത്തി. ഇന്ത്യയുടെ വ്യോമ പ്രതിരോധ സംവിധാനം പാകിസ്ഥാന്‍ മിസൈലുകളും ഡ്രോണുകളും വെടിവച്ചിട്ടപ്പോള്‍ സ്‌ഫോടന ശബ്ദം കേട്ടതായി പ്രദേശവാസികള്‍ അറിയിച്ചു.

ഇന്ത്യയിലെ നിരവധി സ്ഥലങ്ങളെ ലക്ഷ്യമിടാന്‍ പാകിസ്ഥാന്‍ ഉപയോഗിച്ച ഡ്രോണുകളും മിസൈലുകളും ഇന്റഗ്രേറ്റഡ് കൗണ്ടര്‍ യുഎഎസ് ഗ്രിഡും വ്യോമ പ്രതിരോധ സംവിധാനങ്ങളും നിര്‍വീര്യമാക്കിയതായി പ്രതിരോധ മന്ത്രാലയം ഔദ്യോഗിക പ്രസ്താവനയില്‍ പറഞ്ഞു.