ജോലി ചെയ്യാത്ത ജീവനക്കാരെ സര്‍ക്കാര്‍ പിരിച്ചുവിടും: മിസോറം മുഖ്യമന്ത്രി

ഐസ്വാള്‍: കാര്യക്ഷമമല്ലാത്ത ജീവനക്കാരെ സര്‍വീസില്‍ നിന്ന് പിരിച്ചുവിടാന്‍ സര്‍ക്കാര്‍ തീരുമാനിച്ചതായി മിസോറാം മുഖ്യമന്ത്രി ലാല്‍ദുഹോമ പറഞ്ഞു.

സംസ്ഥാന സര്‍ക്കാരിനു കീഴിലുള്ള ജീവനക്കാരുടെ സേവനങ്ങള്‍ അവലോകനം ചെയ്യാന്‍ വകുപ്പുകളില്‍ കമ്മിറ്റികള്‍ രൂപീകരിക്കുന്നുണ്ടെന്ന് ലാല്‍ദുഹോമ പറഞ്ഞു.

യോഗ്യതയുള്ളതും കാര്യക്ഷമവുമായ തൊഴിലാളികളെ ഉറപ്പാക്കാന്‍ മുന്‍കൈയെടുത്തിട്ടുണ്ടെന്നും അദ്ദേഹം പറഞ്ഞു.

യോഗ്യതയില്ലാത്ത എല്ലാ ജീവനക്കാരെയും ഒഴിവാക്കുന്നതാണ് നല്ലതെന്ന് ഞങ്ങള്‍ക്ക് തോന്നുന്നു.മികച്ച സേവന നിലവാരം പുലര്‍ത്തുന്ന, കാര്യക്ഷമതയുള്ള ജീവനക്കാര്‍ ഉണ്ടാകാന്‍ ഞങ്ങള്‍ പ്രതിജ്ഞാബദ്ധരാണെന്നും മുഖ്യമന്ത്രി യോഗത്തില്‍ പറഞ്ഞു.

എല്ലാ പദ്ധതികളും കാര്യക്ഷമമായി നടപ്പാക്കുന്നുവെന്ന് ഉറപ്പാക്കാന്‍ തന്റെ സര്‍ക്കാര്‍ നടപടികള്‍ സ്വീകരിക്കുന്നുണ്ടെന്ന് ലാല്‍ദുഹോമ പറഞ്ഞു.

ഇതുവരെ നടന്നുകൊണ്ടിരിക്കുന്ന 40 ഓളം പദ്ധതികള്‍ പരിശോധിച്ച സംസ്ഥാന പ്രോജക്ട് മോണിറ്ററിംഗ് കമ്മിറ്റി പദ്ധതികള്‍ സൂക്ഷ്മമായി നിരീക്ഷിക്കുന്നു. സംസ്ഥാനത്ത് പദ്ധതികള്‍ നടപ്പാക്കുന്നതിലും നിരീക്ഷിക്കുന്നതിലും ഞങ്ങള്‍ കര്‍ശനമായി പ്രവര്‍ത്തിക്കുമെന്നും അദ്ദേഹം പറഞ്ഞു.