വോട്ട് മോഷണ ഭീഷണി പടിവാതിൽക്കൽ എത്തിയിരിക്കുന്നു";"ശരിയായതും സുതാര്യവുമായ വോട്ടർ പട്ടികയാണ് സത്യസന്ധമായ തിരഞ്ഞെടുപ്പുകളുടെ അടിത്തറ" എന്ന് എംകെ സ്റ്റാലിൻ

ഡല്‍ഹി: സമഗ്ര വോട്ടര്‍പട്ടിക പരിഷ്‌കരണത്തിന് എതിരെ തുറന്നടിച്ച് തമിഴ്‌നാട് മുഖ്യമന്ത്രിയും ഡിഎംകെ അധ്യക്ഷനുമായ എംകെ സ്റ്റാലിന്‍.

സംസ്ഥാനത്ത് നടന്നുകൊണ്ടിരിക്കുന്ന ഈ പ്രക്രിയയിലൂടെ 'വോട്ടുകള്‍ മോഷ്ടിക്കാനുള്ള ഗൂഢാലോചന' നടക്കുന്നുണ്ടെന്നും ഇത് ദശലക്ഷക്കണക്കിന് വോട്ടര്‍മാരെ പട്ടികയില്‍ നിന്ന് തെറ്റായി ഇല്ലാതാക്കുന്നതിലേക്ക് നയിച്ചേക്കാമെന്നും അദ്ദേഹം ആരോപിച്ചു.

'വോട്ട് മോഷണ ഭീഷണി ഇപ്പോള്‍ നമ്മുടെ വീട്ടുവാതില്‍ക്കല്‍ എത്തിയിരിക്കുന്നു; നമ്മള്‍ ഒന്നിച്ച് അതിനെതിരെ പോരാടണം' എന്ന് എംകെ സ്റ്റാലിന്‍ പറഞ്ഞു. 

'ശരിയായതും സുതാര്യവുമായ വോട്ടര്‍ പട്ടികയാണ് സത്യസന്ധമായ തിരഞ്ഞെടുപ്പുകളുടെ അടിത്തറ' എന്ന് സ്റ്റാലിന്‍ പറഞ്ഞു.

പരിഷ്‌കാരങ്ങള്‍ക്ക് ഞങ്ങള്‍ എതിരല്ല, പക്ഷേ മതിയായ സമയവും സുതാര്യതയും ഇല്ലാതെ നടപ്പിലാക്കുന്ന ഈ പ്രക്രിയ ജനാധിപത്യത്തിന് അപകടകരമാണ്.

സഖ്യകക്ഷികളുമായുള്ള ചര്‍ച്ചകള്‍ക്ക് ശേഷം സുപ്രീം കോടതിയില്‍ ഒരു ഹര്‍ജി ഫയല്‍ ചെയ്തതായും നവംബര്‍ 11 ന് സംസ്ഥാനവ്യാപകമായി പ്രതിഷേധം പ്രഖ്യാപിച്ചതായും സ്റ്റാലിന്‍ പറഞ്ഞു.