/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/01/18/D3xiYgaN5QcZYbhk1sF2.jpg)
ചെന്നൈ: വനമേഖലയോട് ചേര്‍ന്നുള്ള കൃഷിയിടങ്ങളില്‍ ഇറങ്ങുന്ന കാട്ടുപന്നികളെ നിയന്ത്രിതമായി വെടിവച്ചു കൊല്ലാന്‍ അനുമതി നല്‍കിയ തമിഴ്നാട് സര്‍ക്കാരിന് അഭിനന്ദ പ്രവാഹം. കേന്ദ്ര നിയമത്തെ മറി കടന്നുള്ള സ്റ്റാലിന്‍ സര്‍ക്കാരിന്റെ നിര്‍ണ്ണായക തീരുമാനത്തിന് വന്‍ അഭിനന്ദമാണ് സോഷ്യല്‍മീഡിയയില്‍ ഉയരുന്നത്..
നാടു ഭരിക്കുന്ന ഭരണാധികാരി ഇതുപോലെ ജനങ്ങള്‍ക്കു വേണ്ടി നിലകൊള്ളുന്നവരായിരിക്കണമെന്നും സോഷ്യല്‍മീഡിയ ചൂണ്ടിക്കാട്ടി.
കര്‍ഷകര്‍ക്ക് ദുരിതമുണ്ടാക്കുന്ന കാട്ടുപന്നികളെ നിയന്ത്രിതമായി കൊല്ലാന്‍ അനുമതി നല്‍കിക്കൊണ്ട് വനം വകുപ്പ് ഉത്തരവ് പുറപ്പെടുവിച്ചതായി വനം മന്ത്രി കെ. പൊന്‍മുടിയാണ് വെള്ളിയാഴ്ച നിയമസഭയെ അറിയിച്ചത്
വര്‍ധിച്ചുവരുന്ന മനുഷ്യ-മൃഗ സമ്പര്‍ക്കം, വനമേഖലയോട് ചേര്‍ന്നുള്ള കൃഷിയിടങ്ങളില്‍ വന്യമൃഗങ്ങള്‍ ഉണ്ടാക്കുന്ന നാശനഷ്ടങ്ങള്‍ എന്നിവയില്‍ പ്രതിപക്ഷ പാര്‍ട്ടികള്‍ ശ്രദ്ധാ പ്രമേയം അവതരിപ്പിച്ചിരുന്നു.
ആനകളും കാട്ടുപന്നികളും പ്രത്യേകിച്ച് പശ്ചിമഘട്ടത്തോട് ചേര്‍ന്നുള്ള പ്രദേശങ്ങളില്‍ കൃഷി നശിപ്പിക്കുന്നതിനെക്കുറിച്ച് നിരവധി എംഎല്‍എമാര്‍ ആശങ്ക ഉന്നയിച്ചിരുന്നു. കൃഷിയിടങ്ങളില്‍ മയിലുകളുടെ എണ്ണം വര്‍ധിക്കുന്നതും അവര്‍ ചൂണ്ടിക്കാട്ടി.
സംസ്ഥാനത്തെ കാട്ടുപന്നികളുടെ ശല്യത്തിനും മനുഷ്യ-മൃഗ സംഘര്‍ഷത്തിനും പരിഹാരം കണ്ടെത്തുന്നതിനായി രൂപീകരിച്ച 19 അംഗ സമിതിയുടെ ശുപാര്‍ശയെ തുടര്‍ന്നാണ് തമിഴ്നാട് സര്‍ക്കാര്‍ ഇത് സംബന്ധിച്ച് ഉത്തരവ് പുറപ്പെടുവിച്ചതെന്ന് മന്ത്രി പറഞ്ഞു.
ആര്‍എഫില്‍ നിന്ന് ഒരു കിലോമീറ്റര്‍ ചുറ്റളവില്‍ കാട്ടുപന്നികളെ വെടിവയ്ക്കാന്‍ അനുമതിയില്ലെന്നും ആര്‍എഫ് അതിര്‍ത്തിയില്‍ നിന്ന് ഒരു കിലോമീറ്ററിനും മൂന്ന് കിലോമീറ്ററിനും ഇടയില്‍ കാട്ടുപന്നികളെ കണ്ടെത്തിയാല്‍ അവയെ വനത്തിനുള്ളിലേക്ക് ഓടിക്കണമെന്നും അദ്ദേഹം തുടര്‍ന്നു
ആര്‍എഫിന്റെ കിഴക്കന്‍ മേഖലയില്‍ നിന്ന് മൂന്ന് കിലോമീറ്റര്‍ അകലെയുള്ള കൃഷിയിടങ്ങളില്‍ പ്രവേശിക്കുന്ന കാട്ടുപന്നികളെ വെടിവയ്ക്കാന്‍ ലൈസന്‍സുള്ള തോക്കുകള്‍ക്ക് കര്‍ഷകര്‍ക്ക് അനുവാദം നല്‍കാമോ എന്ന് ഞങ്ങള്‍ പരിഗണിക്കും.
ആനകള്‍ മനുഷ്യവാസ കേന്ദ്രങ്ങളിലേക്കും കാര്‍ഷിക മേഖലകളിലേക്കും അലഞ്ഞുതിരിയുന്നത് തടയാന്‍ തൂക്കു സോളാര്‍ വേലികള്‍ സ്ഥാപിക്കുക, ആനകളെ പ്രതിരോധിക്കുന്ന കിടങ്ങുകള്‍ കുഴിക്കുക തുടങ്ങിയ നിരവധി നടപടികള്‍ സര്‍ക്കാര്‍ സ്വീകരിച്ചിട്ടുണ്ടെന്നും അദ്ദേഹം പറഞ്ഞു.
കാട്ടാനക്കൂട്ടങ്ങളെയും അലഞ്ഞുതിരിയുന്ന ഒറ്റപ്പെട്ട കൊമ്പന്മാരെയും തുരത്താന്‍ കുങ്കി ആനകളെയും വകുപ്പ് ഏര്‍പ്പെടുത്തിയിട്ടുണ്ട്.