ചെന്നൈ: മഹാരാഷ്ട്രയില്‍ സെന്‍ട്രല്‍ ബ്യൂറോ ഓഫ് ഇന്‍വെസ്റ്റിഗേഷന്‍ നടത്തിയ പുതിയ അന്വേഷണത്തില്‍ നിന്നുണ്ടായ വിവാദത്തെ തുടര്‍ന്ന്, നാഷണല്‍ എലിജിബിലിറ്റി കം എന്‍ട്രന്‍സ് ടെസ്റ്റ് (നീറ്റ്) പരീക്ഷയും നാഷണല്‍ ടെസ്റ്റിംഗ് ഏജന്‍സിയും വീണ്ടും വിമര്‍ശനത്തിന് കേന്ദ്രമാകുന്നു. തമിഴ്നാട് മുഖ്യമന്ത്രി എം കെ സ്റ്റാലിന്‍ ഈ വിഷയത്തില്‍ ശക്തമായ പ്രതികരണവുമായി രംഗത്തെത്തി.
സിബിഐ നടത്തിയ അന്വേഷണത്തില്‍, പണം വാങ്ങി സ്‌കോറുകള്‍ കൃത്രിമമായി ഉയര്‍ത്തിയെന്നാരോപിച്ച് രണ്ട് പേരെ അറസ്റ്റ് ചെയ്തു.
എന്‍ടിഎ ഉദ്യോഗസ്ഥരുമായി ബന്ധപ്പെടാമെന്ന് വ്യാജമായി അവകാശപ്പെട്ട സന്ദീപ് ജവഹര്‍ ഷാ എന്നയാള്‍, യോഗ്യതയില്ലാത്ത ഉദ്യോഗാര്‍ത്ഥികളെ വന്‍ തുക വാങ്ങി പരീക്ഷയില്‍ വിജയിപ്പിക്കാമെന്ന് വാഗ്ദാനം ചെയ്തതായി അന്വേഷണ ഏജന്‍സി അറിയിച്ചു.
ഇതുമായി ബന്ധപ്പെട്ട് പ്രതികരിച്ച മുഖ്യമന്ത്രി സ്റ്റാലിന്‍, നീറ്റ് ഒരു അഴിമതിയുടെ കേന്ദ്രമാണെന്ന് ആരോപിച്ചു. ഏറ്റവും പുതിയ കേസ് പരീക്ഷയോടുള്ള തമിഴ്നാടിന്റെ എതിര്‍പ്പിനെ കൂടുതല്‍ ശക്തിപ്പെടുത്തുന്നുവെന്നും അദ്ദേഹം പറഞ്ഞു.
'നീറ്റ് മെറിറ്റിനെക്കുറിച്ചല്ല, വിപണിയെക്കുറിച്ചാണ്. #NEETinsotNEAT, അങ്ങനെ പറയാന്‍ ഞങ്ങള്‍ക്ക് കാരണം ഉണ്ട്,' എന്നായിരുന്നു സ്റ്റാലിന്റെ പ്രസ്താവന.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/03/31/csbaLG1q1RzddSyT9mOK.jpg)