Advertisment

മധ്യപ്രദേശിൽ 7,500 കോടി രൂപയുടെ വികസന പദ്ധതികൾ പ്രധാനമന്ത്രി ഉദ്ഘാടനം ചെയ്യും

author-image
ന്യൂസ് ബ്യൂറോ, ഡല്‍ഹി
Updated On
New Update
modi uae.jpg

ഡല്‍ഹി: മധ്യപ്രദേശിലെ ഝബുവ ജില്ലയിൽ 7,500 കോടി രൂപയുടെ വികസന പദ്ധതികളുടെ തറക്കല്ലിടൽ ഇന്ന് പ്രധാനമന്ത്രി നരേന്ദ്ര മോദി നിർവഹിക്കും. ആദിവാസി സമൂഹങ്ങളുടെ സമ്മേളനത്തിലും അദ്ദേഹം പങ്കെടുക്കും.

Advertisment

ഗോപാൽപുരയിൽ നടക്കുന്ന സമ്മേളനത്തിൽ രാജ്യത്തുടനീളമുള്ള ആദിവാസികൾ പങ്കെടുക്കുമെന്ന് സംസ്ഥാന ബിജെപി മീഡിയ സെൽ മേധാവി ആശിഷ് അഗർവാൾ വാർത്താ ഏജൻസിയായ പിടിഐയോട് പറഞ്ഞു. വരാനിരിക്കുന്ന ലോക്‌സഭാ തിരഞ്ഞെടുപ്പിന് മുന്നോടിയായുള്ള പ്രധാനമന്ത്രിയുടെ ആദ്യ സംസ്ഥാന സന്ദർശനമാണിത്.

സംസ്ഥാനങ്ങളിൽ ഏറ്റവും കൂടുതൽ ആറ് ലോക്‌സഭാ സീറ്റുകൾ ഗോത്രവർഗക്കാർക്കായി സംവരണം ചെയ്തിരിക്കുന്നത് മധ്യപ്രദേശിലാണ്. തൻ്റെ സന്ദർശന വേളയിൽ, സംസ്ഥാനത്തെ ആഹാർ അനുദാൻ യോജനയ്ക്ക് കീഴിൽ രണ്ട് ലക്ഷത്തോളം വരുന്ന സ്ത്രീ ഗുണഭോക്താക്കൾക്ക് പ്രധാനമന്ത്രി പ്രതിമാസ ഗഡുക്കളും വിതരണം ചെയ്യുമെന്ന് ഔദ്യോഗിക പ്രസ്താവനയിൽ പറയുന്നു.

പദ്ധതി പ്രകാരം സ്ത്രീകൾക്ക്, പ്രത്യേകിച്ച് പിന്നോക്ക വിഭാഗത്തിൽപ്പെട്ടവർക്ക് പോഷകസമൃദ്ധമായ ഭക്ഷണത്തിനായി പ്രതിമാസം 1500 രൂപ നൽകും.

ജനങ്ങൾക്ക് അവരുടെ ഭൂമിയുടെ അവകാശത്തിന് ഡോക്യുമെൻ്ററി തെളിവുകൾ നൽകുന്ന പദ്ധതിക് കീഴിൽ 1.75 ലക്ഷം 'അധികാർ അഭിലേഖ്' (ഭൂമിയുടെ അവകാശത്തിൻ്റെ രേഖ) പ്രധാനമന്ത്രി വിതരണം ചെയ്യും.

സംസ്ഥാനത്തെ ആദിവാസി ആധിപത്യ ജില്ലകളിൽ നിന്നുള്ള യുവാക്കൾക്കായി പ്രവർത്തിക്കുന്ന താന്ത്യ മാമാ ഭിൽ സർവകലാശാലയുടെ തറക്കല്ലിടൽ അദ്ദേഹം നിർവഹിക്കും. 170 കോടി രൂപ ചെലവിൽ വികസിപ്പിക്കുന്ന സർവകലാശാല വിദ്യാർത്ഥികളുടെ സമഗ്ര വികസനത്തിന് ലോകോത്തര അടിസ്ഥാന സൗകര്യങ്ങൾ ഒരുക്കുമെന്ന് ഔദ്യോഗിക പ്രസ്താവനയിൽ പറയുന്നു.

Advertisment