പഞ്ചാബിലെ വെള്ളപ്പൊക്കം: പ്രദേശങ്ങൾ സന്ദർശിക്കാൻ സെപ്റ്റംബർ 9 ന് പ്രധാനമന്ത്രി എത്തും

ഡല്‍ഹി: പ്രളയദുരിതമനുഭവിക്കുന്ന ജനങ്ങളെയും കര്‍ഷകരെയും കാണുന്നതിനും ദുരിതാശ്വാസ പ്രവര്‍ത്തനങ്ങള്‍ക്കും പുനരധിവാസ പ്രവര്‍ത്തനങ്ങള്‍ക്കും മേല്‍നോട്ടം വഹിക്കുന്നതിനുമായി പ്രധാനമന്ത്രി നരേന്ദ്ര മോദി സെപ്റ്റംബര്‍ 9 ന് പഞ്ചാബ് സന്ദര്‍ശിക്കും.

സന്ദര്‍ശന വേളയില്‍, നാശനഷ്ടങ്ങള്‍ അദ്ദേഹം അവലോകനം ചെയ്യുമെന്ന് പ്രതീക്ഷിക്കുന്നു.

'പ്രധാനമന്ത്രി നരേന്ദ്ര മോദി സെപ്റ്റംബര്‍ 9 ന് പഞ്ചാബിലെ ഗുരുദാസ്പൂരില്‍ എത്തുന്നു. വെള്ളപ്പൊക്ക ബാധിതരായ സഹോദരീസഹോദരന്മാരെയും കര്‍ഷകരെയും അദ്ദേഹം നേരിട്ട് കണ്ട് അവരുടെ ദുഃഖം പങ്കിടുകയും ഇരകളെ സഹായിക്കാന്‍ സാധ്യമായ എല്ലാ നടപടികളും സ്വീകരിക്കുകയും ചെയ്യുമെന്ന് ബിജെപി അറിയിച്ചു.