കോൺഗ്രസ് നിരന്തരം ദേശവിരുദ്ധ ശക്തികളെയും പാകിസ്ഥാൻ വളർത്തിയ ഭീകരരെയും പിന്തുണയ്ക്കുന്നുവെന്ന് പ്രധാനമന്ത്രി

ഡല്‍ഹി: കോണ്‍ഗ്രസിനെതിരെ രൂക്ഷ വിമര്‍ശനവുമായി പ്രധാനമന്ത്രി നരേന്ദ്ര മോദി. കോണ്‍ഗ്രസ് നിരന്തരം ദേശവിരുദ്ധ ശക്തികളെയും പാകിസ്ഥാന്‍ വളര്‍ത്തിയ ഭീകരരെയും പിന്തുണയ്ക്കുന്നുവെന്ന് അദ്ദേഹം ആരോപിച്ചു. അസമിലെ ദരാങ് ജില്ലയില്‍ നടന്ന പൊതുയോഗത്തിലായിരുന്നു ആരോപണം. 

'നമ്മുടെ ധീരരായ സൈനികര്‍ക്കൊപ്പം നില്‍ക്കുന്നതിനുപകരം, നുഴഞ്ഞുകയറ്റക്കാരെയും ഇന്ത്യയുടെ ഐക്യത്തിന് ഭീഷണിയാകുന്നവരെയും പിന്തുണയ്ക്കാന്‍ കോണ്‍ഗ്രസ് തീരുമാനിച്ചു. 

ഈ പാര്‍ട്ടി ആവര്‍ത്തിച്ച് ദേശവിരുദ്ധ ശക്തികള്‍ക്ക് മറയൊരുക്കി,' മംഗള്‍ഡോയിയില്‍ നടന്ന റാലിയില്‍ പ്രധാനമന്ത്രി മോദി പറഞ്ഞു. നുഴഞ്ഞുകയറ്റക്കാര്‍ക്ക് ഭൂമി പിടിച്ചെടുക്കാനോ സംസ്ഥാനത്തിന്റെ ജനസംഖ്യാശാസ്ത്രം മാറ്റാനോ ബിജെപി അനുവദിക്കില്ലെന്ന് അദ്ദേഹം കൂട്ടിച്ചേര്‍ത്തു.