സൗഹൃദ ബന്ധങ്ങളുടെ മാതൃക: ദ്വിദിന സന്ദർശനത്തിന് പ്രധാനമന്ത്രി ഭൂട്ടാനിൽ എത്തി

ഡല്‍ഹി: പ്രധാനമന്ത്രി നരേന്ദ്രമോദി ഭൂട്ടാനിലെത്തി. ഭൂട്ടാന്റെ നാലാമത്തെ രാജാവായ ജിഗ്മേ സിംഗേ വാങ്ചുക്കിന്റെ 70-ാം ജന്മദിനാഘോഷങ്ങളില്‍ പങ്കെടുക്കാനാണ് അദ്ദേഹം ഭൂട്ടാനിലെത്തിയത്. 

സന്ദര്‍ശന വേളയില്‍ ഭൂട്ടാന്‍ രാജാവ് ജിഗ്മേ ഖേസര്‍ നംഗ്യേല്‍ വാങ്ചുക്ക്, അദ്ദേഹത്തിന്റെ പിതാവും മുന്‍ഗാമിയുമായ നാലാമത്തെ രാജാവ്, പ്രധാനമന്ത്രി ഷെറിംഗ് ടോബ്‌ഗെ എന്നിവരുമായി  മോദി കൂടിക്കാഴ്ച നടത്തും.

'എന്റെ സന്ദര്‍ശനം നമ്മുടെ സൗഹൃദത്തിന്റെ ബന്ധങ്ങളെ കൂടുതല്‍ ആഴത്തിലാക്കുമെന്നും പങ്കിട്ട പുരോഗതിക്കും സമൃദ്ധിക്കും വേണ്ടിയുള്ള നമ്മുടെ ശ്രമങ്ങളെ ശക്തിപ്പെടുത്തുമെന്നും എനിക്ക് ഉറപ്പുണ്ട്.

ഭൂട്ടാന്‍ രാജാവായ നാലാമത്തെ രാജാവിന്റെ 70-ാം ജന്മവാര്‍ഷികം ആഘോഷിക്കുന്നതില്‍ ഭൂട്ടാനിലെ ജനങ്ങളോടൊപ്പം ചേരാന്‍ കഴിയുന്നത് എനിക്ക് ഒരു ബഹുമതിയായി കാണും ' എന്ന് മോദി പറഞ്ഞു.